കോഴിക്കോട്: മര്‍കസ് നാല്‍പത്തിമൂന്നാം വാര്‍ഷികത്തിന്റെ ഭാഗമായി സംഘടിപ്പിക്കുന്ന ദക്ഷിണ മേഖലാ നേതൃസംഗമം ഈ മാസം 24 ബുധനാഴ്‌ച തിരുവനന്തപുരം അപ്പോളോ ഡിമോറോ ഓഡിറ്റോറിയത്തില്‍ നടക്കുമെന്ന് ഭാരവാഹികൾ അറിയിച്ചു.
തിരുവനന്തപുരം മുതല്‍ എറണാകുളം വരെയുള്ള ജില്ലകളിലെ മുസ്‌ലിം ജമാഅത്ത്, എസ്‌വൈഎസ്‌, എസ്‌എസ്‌എഫ് എന്നീ സംഘടനകളുടെ സംസ്‌ഥാന തല പ്രതിനിധികള്‍, ജില്ലാ നേതാക്കള്‍, സോണ്‍ ഭാരവാഹികള്‍ എന്നിവർ നേതൃസംഗമത്തിൽ പങ്കെടുക്കുമെന്നും മര്‍കസ് ചാന്‍സലര്‍ കാന്തപുരം എപി അബൂബക്കര്‍ മുസ്‌ലിയാര്‍ ഉൽഘാടനം ചെയ്യുമെന്നും വാർത്താകുറിപ്പിൽ പറഞ്ഞു.
സ്വാഗതസംഘം ചെയര്‍മാന്‍ സയ്യിദ് മുഹമ്മദ് തുറാബ് തങ്ങള്‍ മുഖ്യപ്രഭാഷണം നടത്തുന്ന ചടങ്ങിൽ നാല്‍പത്തിമൂന്നാം വാര്‍ഷികത്തിന്റെ ഭാഗമായി മര്‍കസ് നടപ്പിലാക്കുന്ന വിദ്യാഭ്യാസ ജീവകാരുണ്യ പ്രവര്‍ത്തനങ്ങളും, മര്‍കസ് നോളജ് സിറ്റിയുടെ വിവിധ പദ്ധതികളും സംഗമത്തില്‍ അവതരിപ്പിക്കും.
ഇസ്സുദ്ധീന്‍ കാമില്‍ സഖാഫി കൊല്ലം, വിഴിഞ്ഞം അബ്‌ദുറഹ്‌മാൻ സഖാഫി, ബാദുഷ സഖാഫി ആലപ്പുഴ, ഡോ മുഹമ്മദ് കുഞ്ഞി സഖാഫി കൊല്ലം, വിഎച്ച് അലി ദാരിമി എറണാകുളം, അബ്‌ദുൽ കരീം സഖാഫി ഇടുക്കി, എ സൈഫുദ്ധീന്‍ ഹാജി, സിദ്ധീഖ് സഖാഫി നേമം, ജബ്ബാര്‍ സഖാഫി എറണാകുളം, ഡോ മുഹമ്മദ് ഫാറൂഖ് നഈമി, കെഎസ്‌എം റഫീഖ് അഹമ്മദ് സഖാഫി, കെവൈ നിസാമുദ്ധീന്‍ ഫാളിലി, ഷാജഹാന്‍ സഖാഫി കാക്കനാട്, നിസാര്‍ സഖാഫി കോട്ടയം, അശ്റഫ് ഹാജി അലങ്കാര്‍, മുഹമ്മദ് അസ്ഹര്‍ പത്തനംതിട്ട എന്നിവരും നേതൃസംഗമത്തിൽ സംബന്ധിക്കും.
ദക്ഷിണ മേഖല നേതൃസംഗമം പൂർത്തീകരിച്ച ശേഷം തൃശൂര്‍ മുതല്‍ കാസര്‍കോട് വരെയുള്ള ജില്ലകളിലെ നേതാക്കള്‍ പങ്കെടുക്കുന്ന ഉത്തരമേഖലാ നേതൃ സംഗമം ഏപ്രില്‍ 3ന് കോഴിക്കോട് മര്‍കസില്‍ നടക്കുമെന്നും ഭാരവാഹികൾ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
