മുംബൈ: രണ്ടു ദിവസത്തെ ഇടിവിനു ശേഷം ബുധനാഴ്‌ച ഓഹരി വിപണിയിൽ കുതിപ്പ്. ബിഎസ്ഇ സെന്‍സെക്‌സ് 0.94 ശതമാനം ഉയര്‍ന്ന് 56,994.66ലും എന്‍എസ്ഇ നിഫ്റ്റി 50 സൂചിക 0.98 ശതമാനം ഉയര്‍ന്ന് 17,125ലും എത്തി. എച്ച്ഡിഎഫ്‌സി ബാങ്കും ടെക്‌നോളജി ഓഹരികളുമാണ് ഇന്ന് നേട്ടമുണ്ടാക്കിയത്. പണപ്പെരുപ്പ ആശങ്കകള്‍ക്കിടയിലും പാദവാര്‍ഷിക ഫലങ്ങള്‍ക്കായി കാത്തിരിക്കുകയാണ് നിക്ഷേപകര്‍.
ചൊവ്വാഴ്‌ച ഓഹരി വിപണി സജീവമായിരുന്നെങ്കിലും യുക്രൈനിലെ പ്രത്യേക സൈനിക ഓപ്പറേഷന്‍ പുതിയ ഘട്ടം ആരംഭിക്കുകയാണെന്ന് റഷ്യ പറഞ്ഞതിന് ശേഷം രണ്ട് സൂചികകളും കുത്തനെ ഇടിഞ്ഞിരുന്നു. ഈ നഷ്‌ടം തിരിച്ചു പിടിക്കുകയാണ് വിപണി. നിഫ്റ്റിയുടെ മിക്ക പ്രധാന ഉപ സൂചികകളും തുടക്കത്തില്‍ ഉയര്‍ന്ന് വ്യാപാരം നടത്തുകയാണ്.
Read Also: സംസ്‌ഥാനത്ത്‌ അടുത്ത 5 ദിവസം കൂടി മഴ തുടരും; ഇടിമിന്നലിനും സാധ്യത
