ബോളിവുഡ് ഏറെ പ്രതീക്ഷയോടെ കാത്തിരിക്കുന്ന ഒന്നാണ് ആലിയ ഭട്ട്-രൺബീർ കപൂർ താരവിവാഹം. ഇപ്പോഴിതാ ഇരുവരുടെയും വിവാഹം ഏപ്രിൽ 14ആം തീയതി നടക്കുമെന്ന് ആലിയയുടെ കുടുംബം തന്നെ സ്‌ഥിരീകരിച്ചു. ചെമ്പൂരിലെ ആർകെ ബംഗ്ളാവിൽ വച്ച് പഞ്ചാബി രീതിയിൽ 4 ദിവസം നീണ്ടു നിൽക്കുന്ന തരത്തിലാണ് വിവാഹം നടക്കുകയെന്നും ആലിയയുടെ കുടുംബം വ്യക്‌തമാക്കി.
ഷാരൂഖ് ഖാന്‍, ദീപികാ പദുകോണ്‍, സജ്‌ഞയ് ലീല ബന്‍സാലി, സല്‍മാന്‍ ഖാന്‍, കരൺ ജോഹർ തുടങ്ങി ബോളിവുഡിലെ മുൻനിര നായകരും സംവിധായകരും ചടങ്ങിൽ പങ്കെടുക്കുമെന്നാണ് സൂചന. ദീർഘനാളത്തെ പ്രണയത്തിനൊടുവിലാണ് ഇരുവരും വിവാഹിതരാകുന്നത്.
ആലിയയും രൺബീറും ഒരുമിച്ച് അഭിനയിച്ച ‘ബ്രഹ്മാസ്‍ത്ര’യുടെ ബള്‍ഗേറിയയിലെ ലൊക്കേഷനിലാണ് ഇരുവരും പ്രണയത്തിലാകുന്നത്. തുടർന്ന് 2018ൽ ബോളിവുഡ് താരം സോനം കപൂറിന്റെ വിവാഹ ചടങ്ങിൽ വച്ച് ഇരുവരും തങ്ങളുടെ പ്രണയം പരസ്യമാക്കുകയും ചെയ്‌തിരുന്നു. അന്തരിച്ച ബോളിവുഡ് നടന്‍ ഋഷി കപൂറിന്റെയും നടി നീതു സിങ്ങിന്റെയും മകനാണ് രണ്‍ബീര്‍ കപൂര്‍. സംവിധായകന്‍ മഹേഷ് ഭട്ടിന്റെയും നടി സോണി റസ്ദാന്റെയും മകളാണ് ആലിയ ഭട്ട്.
Read also: ‘ബീസ്‌റ്റ് മോഡ്’; ബീസ്‌റ്റിലെ പുതിയ ലിറിക്കൽ വീഡിയോ പുറത്ത്
