പാലക്കാട്: വാളയാർ ടോൾ പ്ളാസയിൽ വൻ ലഹരി വേട്ട. 11 കിലോയിലധികം ഹാഷിഷ് ഓയിൽ എക്സൈസ് പിടികൂടി. സംഭവത്തിൽ വൈപ്പിൻ സ്വദേശി പ്രമോദ് അറസ്റ്റിലായി.
കെഎസ്ആർടിസി ബസ് കേന്ദ്രീകരിച്ച് പരിശോധന നടത്തുന്നതിനിടെയാണ് പ്രമോദിനെ പോലീസ് പിടികൂടിയത്. കോയമ്പത്തൂർ- ആലപ്പുഴ കെഎസ്ആർടിസി ബസിലാണ് ഇയാൾ ഹാഷിഷ് ഓയിൽ കടത്താൻ ശ്രമിച്ചത്.
ആന്ധ്രയിൽ നിന്ന് എറണാകുളത്തേക്ക് കടത്തുകയായിരുന്നു എന്നാണ് ഇയാളുടെ മൊഴി. പിടികൂടിയ ഹാഷിഷ് ഓയിലിന് മൂന്ന് കോടിയിലധികം രൂപ വിലവരുമെന്ന് എക്സൈസ് ഉദ്യോഗസ്ഥർ പറയുന്നു. പ്രമോദ് ഒരു കണ്ണി മാത്രമാണെന്നും കൂടുതൽ പേരെ പിടികൂടാനുണ്ടെന്നും ഉദ്യോഗസ്ഥർ കൂട്ടിച്ചേർത്തു.
Most Read: ഗുണ്ടകൾക്ക് വേണ്ടിയുള്ള റെയ്ഡ്; ഇതുവരെ പിടിയിലായത് 13,032 പേർ