ഷില്ലോങ്: മേഘാലയ മുഖ്യമന്ത്രി കൊൺറാഡ് സങ്മക്ക് കോവിഡ് സ്ഥിരീകരിച്ചു. ചെറിയ രോഗലക്ഷണങ്ങൾ ഉള്ളതിനാൽ വീട്ടിൽ ഐസൊലേഷനിൽ കഴിയുകയാണ് അദ്ദേഹം. തനിക്ക് രോഗം സ്ഥിരീകരിച്ച കാര്യം മുഖ്യമന്ത്രി തന്റെ ട്വിറ്റർ ഹാൻഡിലിലൂടെയാണ് പുറത്തുവിട്ടത്. കഴിഞ്ഞ അഞ്ച് ദിവസത്തിനിടെ താനുമായി സമ്പർക്കം പുലർത്തിയവർ എത്രയും പെട്ടെന്ന് നിരീക്ഷണത്തിൽ പോകണമെന്നും അദ്ദേഹം നിർദ്ദേശിച്ചു. ആവശ്യമെങ്കിൽ പരിശോധനക്ക് വിധേയമാക്കണമെന്നും മുഖ്യമന്ത്രി കൂട്ടിച്ചേർത്തു.
I have tested positive for #Covid_19. I am under home isolation and experiencing mild symptoms. I request all those who came in contact with me in the past 5 days to kindly keep a watch on their health and if necessary get tested. Stay safe.
— Conrad Sangma (@SangmaConrad) December 11, 2020
അതേസമയം,മേഘാലയിൽ 75 പുതിയ കേസുകൾ കൂടി റിപ്പോർട്ട് ചെയ്തതോടെ ആകെ കോവിഡ് ബാധിതരുടെ എണ്ണം 12,586 ആയി. 11,883 പേരാണ് ഇതുവരെ രോഗമുക്തി നേടിയത്. 123 പേർ കോവിഡ് ബാധിച്ച് മരിക്കുകയും ചെയ്തു.
Also Read: കാലാവസ്ഥ വ്യതിയാനം; ചരിത്രപരമായി ഇന്ത്യ ഉത്തരവാദികളല്ല