തിരുവനന്തപുരം: സംസ്ഥാനത്ത് ഇന്ന് ശക്തമായ മഴക്ക് സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ശനിയാഴ്ച വരെ സംസ്ഥാനത്ത് ഒറ്റപ്പെട്ട ഇടങ്ങളില് ഇടിമിന്നലോട് കൂടിയ മഴക്ക് സാധ്യതയെന്നും കാലാവസ്ഥാ വകുപ്പ് അറിയിച്ചു.
ഇടുക്കിയില് യെല്ലോ അലേര്ട്ട് പ്രഖ്യാപിച്ചു. ശനിയാഴ്ച കൊല്ലത്തും യെല്ലോ അലേര്ട്ട് പ്രഖ്യാപിച്ചിട്ടുണ്ട്.
മലയോര മേഖലയില് ഇടിമിന്നല് ശക്തമാകാന് സാധ്യതയുള്ളതായും മുന്നറിയിപ്പുണ്ട്. ഉച്ചക്ക് രണ്ട് മണി മുതല് 10 മണി വരെയുള്ള സമയത്ത് ഇടിമിന്നലിനുള്ള സാധ്യത കൂടുതലായതിനാല് പൊതുജനങ്ങള് ജാഗ്രത പാലിക്കണം. അതേസമയം, കേരള തീരത്ത് മല്സ്യ ബന്ധനത്തിന് തടസമില്ലെന്ന് അധികൃതര് അറിയിച്ചു.
Read Also: കോവിഡ് വാക്സിനേഷന്; കേന്ദ്രസര്ക്കാര് ഇന്ന് തീയതി പ്രഖ്യാപിക്കാന് സാധ്യത