ന്യൂഡെല്ഹി : രാജ്യത്ത് കോവിഡ് വാക്സിന് കുത്തിവെപ്പിനുള്ള തീയതി സര്ക്കാര് ഇന്ന് പ്രഖ്യാപിക്കാന് സാധ്യത. ജനുവരി 13ആം തീയതി മുതല് സംസ്ഥാനങ്ങള്ക്കുള്ള വാക്സിന് വിതരണം ചെയ്യാന് സജ്ജമാണെന്ന് കേന്ദ്ര ആരോഗ്യമന്ത്രാലയം കഴിഞ്ഞ ദിവസം അറിയിച്ചിരുന്നു. അതിനാല് തന്നെ വാക്സിന് കുത്തിവെപ്പ് നടത്താനുള്ള തീയതി ഉടന് തന്നെ ഉണ്ടാകുമെന്നാണ് പ്രതീക്ഷിക്കുന്നത്.
ജനുവരി 13 മുതല് സംസ്ഥാനങ്ങള്ക്കുള്ള വാക്സിന് നല്കി തുടങ്ങാന് തയ്യാറാണെന്ന് കേന്ദ്രം അറിയിച്ചതോടെ ജനുവരി 14ന് തന്നെ ആരോഗ്യപ്രവര്ത്തകരിലെ വാക്സിനേഷന് ആരംഭിക്കാന് സാധ്യതയുണ്ടെന്ന് റിപ്പോര്ട്ടുകള് സൂചിപ്പിക്കുന്നുണ്ട്. മുംബൈ, ചെന്നൈ, കൊല്ക്കത്ത, ഹരിയാനയിലെ കര്ണാല് എന്നിവിടങ്ങളിലാണ് വാക്സിന് ആദ്യം എത്തിക്കുന്നത്. തുടര്ന്ന് ഇവിടെ നിന്നും വിവിധ സംസ്ഥാനങ്ങളിലെ 37 വാക്സിന് ഡിപ്പോകളിലേക്ക് വിതരണം ചെയ്യും. ശേഷം ഈ ഡിപ്പോകളില് നിന്നാണ് ആവശ്യാനുസരണം ജില്ലാ, ബ്ളോക്ക് തലങ്ങളിലേക്ക് വാക്സിന് എത്തിക്കുക.
Read also : ബദിയടുക്കയില് ഒന്നര വയസുകാരന്റെ മരണം കൊലപാതകം; അമ്മ അറസ്റ്റില്