മലപ്പുറം: മഅ്ദിൻ അക്കാദമിയുടെ ആഭിമുഖ്യത്തിൽ ബുധനാഴ്‌ച സ്വലാത്ത് നഗറിൽ മിഅ്‌റാജ് ആത്‌മീയ സമ്മേളനവും സ്വലാത്ത് മജ്‌ലിസും സംഘടിപ്പിക്കും. മിഅ്‌റാജ് രാവിനോടനുബന്ധിച്ച് നടക്കുന്ന പരിപാടിയിൽ കോവിഡ് പ്രോട്ടോകോൾ പാലിച്ച് വിശ്വാസികൾ സംബന്ധിക്കും.
മഅ്ദിൻ ചെയർമാൻ സയ്യിദ് ഇബ്‌റാഹീമുൽ ഖലീലുൽ ബുഖാരി പരിപാടികൾക്ക് നേതൃത്വം നൽകും. വൈകുന്നേരം 6ന് സമ്മേളനത്തിന് തുടക്കമാവും. മിഅ്‌റാജ് സന്ദേശ പ്രഭാഷണം, അജ്‌മീർ ഖാജാ മൗലിദ് പാരായണം, വിർദുല്ലത്വീഫ്, ഇസ്‌തിഗ്‌ഫാർ, സ്വലാത്ത്, തൗബ, പ്രാർഥന, അന്നദാനം എന്നിവ നടക്കും.
സയ്യി ഇസ്‌മാഈൽ ബുഖാരി കടലുണ്ടി, സയ്യിദ് ശിഹാബുദ്ധീൻ ബുഖാരി, സയ്യിദ് അബ്‌ദുറഹ്‌മാൻ മുല്ലക്കോയതങ്ങൾ പാണ്ടിക്കാട്, സയ്യിദ് ശിഹാബുദ്ധീൻ അഹ്ദൽ മുത്തനൂർ, സയ്യിദ് ഹുസൈൻ അസ്സഖാഫ്, സയ്യിദ് മുഹമ്മദ് ഫാറൂഖ് ജമലുല്ലൈലി, പൊൻമള മൊയ്‌തീൻ കുട്ടി ബാഖവി, അലവി സഖാഫി കൊളത്തൂർ, ഇബ്‌റാഹീം ബാഖവി മേൽമുറി, അബ്‌ദുൽ ജലീൽ സഖാഫി കടലുണ്ടി, സുലൈമാൻ ഫൈസി കിഴിശ്ശേരി, അബൂബക്കർ സഖാഫി അരീക്കോട് എന്നിവർ സംബന്ധിക്കും.
Most Read: ബംഗാളിൽ കുടിയേറ്റക്കാർക്ക് സ്വാഗതം; നുഴഞ്ഞു കയറ്റക്കാരെ വരവേൽക്കില്ല; മോദി
