മലപ്പുറം: സ്വലാത്ത് നഗറില് ഇന്ന് മിഅ്റാജ് ആത്മീയ സമ്മേളനവും സ്വലാത്ത് മജ്ലിസും നടക്കും. പരിപാടിയില് കോവിഡ് പ്രോട്ടോകോള് പാലിച്ചാണ് വിശ്വാസികള് പങ്കെടുക്കേണ്ടത്. സ്ത്രീകള്ക്ക് പ്രത്യേക സൗകര്യങ്ങളുണ്ടാകുമെന്നും പരിപാടിക്കെത്തിച്ചേരുന്ന വിശ്വാസികള്ക്ക് ഭക്ഷണ വിതരണം നടത്തുമെന്നും സംഘാടകർ അറിയിച്ചു.
വൈകുന്നേരം 6ന് തുടക്കമാകുന്ന സമ്മേളനത്തിന് മഅ്ദിന് ചെയര്മാന് സയ്യിദ് ഇബ്റാഹീമുല് ഖലീലുല് ബുഖാരി നേതൃത്വം നല്കും. മിഅ്റാജ് സന്ദേശ പ്രഭാഷണം, അജ്മീർ ഖാജാ മൗലിദ് പാരായണം, വിര്ദുല്ലത്വീഫ്, ഇസ്തിഗ്ഫാർ, സ്വലാത്ത്, തൗബ, പ്രാർഥന എന്നിവ നടക്കും.
ഇസ്ലാമിക പണ്ഡിതരായ സയ്യി ഇസ്മാഈൽ ബുഖാരി കടലുണ്ടി, സയ്യിദ് ശിഹാബുദ്ധീൻ ബുഖാരി, സയ്യിദ് അബ്ദുറഹ്മാൻ മുല്ലക്കോയതങ്ങൾ പാണ്ടിക്കാട്, സയ്യിദ് ശിഹാബുദ്ധീൻ അഹ്ദൽ മുത്തനൂർ, സയ്യിദ് ഹുസൈൻ അസ്സഖാഫ്, സയ്യിദ് മുഹമ്മദ് ഫാറൂഖ് ജമലുല്ലൈലി, പൊൻമള മൊയ്തീൻ കുട്ടി ബാഖവി, അലവി സഖാഫി കൊളത്തൂർ, ഇബ്റാഹീം ബാഖവി മേൽമുറി, അബ്ദുൽ ജലീൽ സഖാഫി കടലുണ്ടി, സുലൈമാൻ ഫൈസി കിഴിശ്ശേരി, അബൂബക്കർ സഖാഫി അരീക്കോട് എന്നിവർ മിഅ്റാജ് ആത്മീയ സമ്മേളനത്തിൽ പങ്കെടുക്കും.
പങ്കെടുക്കുന്നതിനും മറ്റു സംശയങ്ങൾക്കും സവിശേഷ പ്രാർഥനാ ആവശ്യങ്ങൾക്കും 9645338343, 9633677722 ഈ നമ്പറുകളിൽ ബന്ധപ്പെടാവുന്നതാണ്; ഭാരവാഹികൾ പറഞ്ഞു.
Most Read: ആർത്തവത്തിന്റെ പേരിൽ സ്ത്രീകളെ മാറ്റി നിർത്തരുത്; ഗുജറാത്ത് ഹൈക്കോടതി