തിരുവനന്തപുരം: ഗര്ഭിണിയ്ക്ക് താങ്ങും തണലുമായി മറ്റ് ആശുപത്രിയിലേക്ക് അനുഗമിച്ച പാലക്കാട് ജില്ലയിലെ ചിറ്റൂര് താലൂക്ക് ആശുപത്രിയിലുള്ള ഡോക്ടർമാരേയും നഴ്സുമാരേയും അഭിനന്ദിച്ച് ആരോഗ്യവകുപ്പ് മന്ത്രി വീണ ജോര്ജ്. ഫോണില് വിളിച്ചാണ് മന്ത്രി അഭിനന്ദനം അറിയിച്ചത്.
ഗൈനക്കോളജിസ്റ്റ് ഡോക്ടർ ആര് ശ്രീജ, അനസ്തെറ്റിസ്റ്റ് ഡോക്ടർ ജയമിനി, നഴ്സുമാരായ രജ്ഞുഷ, അനീഷ എന്നിവരെ ഫോണില് വിളിച്ചാണ് മന്ത്രി അഭിനന്ദനം അറിയിച്ചത്. ആരോഗ്യ മേഖലയ്ക്ക് ഏറെ അഭിമാനിക്കാവുന്ന കാര്യമാണ് ചെയ്തതെന്നും, തങ്ങളെ തേടിയെത്തിയ ഗര്ഭിണിയെ കൈയ്യൊഴിയാതെ മറ്റൊരു ആശുപത്രിയില് കൊണ്ടു പോയിട്ടും പ്രസവം കഴിയും വരെ കൂടെ നിന്ന് പരിചരിച്ചത് മാതൃകാപരമാണെന്നും മന്ത്രി കൂട്ടിച്ചേർത്തു. കൂടാതെ പാലക്കാട് വരുമ്പോള് നേരില് കാണാമെന്നും മന്ത്രി പറഞ്ഞു.
Read also: കരിപ്പൂരിൽ കസ്റ്റംസിനെ വെട്ടിച്ച് സ്വർണവുമായി പുറത്തേക്ക്; തട്ടിയെടുക്കാൻ മറ്റൊരു സംഘം