ചെന്നൈ: മെഡിക്കൽ പ്രവേശന പരീക്ഷയായ നീറ്റിൽ പരാജയപ്പെട്ടതിന്റെ മനോവിഷമത്തിൽ വിദ്യാർഥി ആത്‌മഹത്യ ചെയ്‌തു. തമിഴ്നാട്ടിലെ നീലഗിരി ജില്ലയിലാണ് സംഭവം. തനിക്ക് സന്തോഷവതിയാണെന്ന് അഭിനയിക്കാൻ കഴിയില്ലെന്നും മാതാപിതാക്കൾ ക്ഷമിക്കണമെന്നും പെൺകുട്ടിയുടെ ആത്‌മഹത്യക്കുറിപ്പിൽ പറയുന്നു.
12ആം ക്ലാസ് പരീക്ഷക്ക് ശേഷം പെൺകുട്ടി സെപ്റ്റംബറിൽ നീറ്റ് പരീക്ഷ എഴുതി. എന്നാൽ വിജയിക്കാൻ കഴിയാതെ വന്നതോടെ പെൺകുട്ടി വിഷാദരോഗത്തിന് അടിമയാകുകയായിരുന്നു. തുടർന്ന് ഡിസംബർ 18ന് പെൺകുട്ടി കുറിപ്പ് എഴുതിവെച്ചശേഷം ആത്‌മഹത്യക്ക് ശ്രമിക്കുകയായിരുന്നു. തുടർന്ന് മേട്ടുപാളയത്തിലെ സ്വകാര്യ ആശുപത്രിയിൽ ചികിൽസയിലായിരുന്ന വിദ്യാർഥിനി 23ന് മരണത്തിന് കീഴടങ്ങി. നീറ്റ് പരീക്ഷയിൽ തോറ്റതിന് നവംബർ ഏഴിന് ഒരു വിദ്യാർഥി ആത്‌മഹത്യ ചെയ്‌തിരുന്നു.
Read also: പൂജാരിയെന്ന വ്യാജേന കഞ്ചാവ് വിൽപന; പ്രതി പിടിയിൽ
