മലപ്പുറം: സംസ്ഥാനത്ത് ഒരാൾക്കു കൂടി മങ്കി പോക്‌സ്‌ സ്‌ഥിരീകരിച്ചു. ഈ മാസം ആറിന് യുഎഇയിൽ നിന്നെത്തിയ മലപ്പുറം സ്വദേശിക്കാണ് രോഗം സ്‌ഥിരീകരിച്ചത്. രോഗി മഞ്ചേരി മെഡിക്കൽ കോളേജ് ആശുപത്രിയിൽ ചികിൽസയിലാണ്. രോഗിയുമായി സമ്പർക്കത്തിലുള്ളവരെ നിരീക്ഷണത്തിലാക്കി. ഇതോടെ സംസ്ഥാനത്ത് മങ്കി പോക്‌സ്‌ സ്‌ഥിരീകരിച്ചവരുടെ എണ്ണം മൂന്നായി.
കൊല്ലത്താണ് സംസ്ഥാനത്ത് ആദ്യമായി മങ്കി പോക്‌സ്‌ സ്‌ഥിരീകരിച്ചത്. പിന്നാലെ കണ്ണൂരിലും മങ്കി പോക്‌സ്‌ റിപ്പോർട് ചെയ്‌ത വാർത്ത പുറത്തുവന്നിരുന്നു. ഇതോടെ വിമാനത്താവളങ്ങളിൽ ഉൾപ്പെടെ ആരോഗ്യവകുപ്പ് കർശനമായ ജാഗ്രത പുറപ്പെടുവിക്കുകയും ചെയ്‌തിരുന്നു.
Most Read: ‘ഭരണം പോയാലും ചിലത് ചെയ്യും’; കെകെ രമയ്‌ക്ക് വധഭീഷണി, പരാതി നൽകി
