മുംബൈ: മഹാരാഷ്‌ട്രയില്‍ സിനിമ തിയേറ്ററുകള്‍ നാളെ മുതല്‍ തുറക്കും. കോവിഡ് വ്യാപനത്തെ തുടര്‍ന്ന് അടച്ചിട്ട സിനിമ തിയേറ്ററുകള്‍ക്ക് 50 ശതമാനം ആളുകളെ പ്രവേശിപ്പിച്ച് തുറക്കാനാണ് സര്‍ക്കാര്‍ അനുമതി നല്‍കിയിരിക്കുന്നത്. എന്നാല്‍ കണ്ടെയ്ന്‍മെന്റ് സോണുകളിലുള്ള പ്രദേശങ്ങളിലെ തിയേറ്ററുകള്‍ തുറക്കാന്‍ അനുമതി ഇല്ല.
രാജ്യത്തെ തിയേറ്ററുകള്‍ അണ്‍ലോക്കിന്റെ ഭാഗമായി ഒക്‌ടോബര്‍ 15 മുതല്‍ തന്നെ തുറക്കാമെന്ന് നേരത്തെ കേന്ദ്രസര്‍ക്കാര്‍ മര്‍ഗനിര്‍ദേശം പുറത്തിറക്കിയിരുന്നു.
Read Also: മഹേഷ് ബാബുവിന്റെ നായികയായി കീര്‍ത്തി സുരേഷ്
അതേസമയം കോവിഡ് മാര്‍ഗ നിര്‍ദേശങ്ങള്‍ കര്‍ശനമായി പാലിച്ച് പ്രവര്‍ത്തിക്കാന്‍ സര്‍ക്കാര്‍ നിര്‍ദേശം നല്‍കിയിട്ടുണ്ട്. തിയേറ്റര്‍, മള്‍ട്ടിപ്‌ളക്‌സുകള്‍ എന്നിവക്കുള്ളില്‍ ഭക്ഷണ സാധനങ്ങള്‍ അനുവദനീയമല്ല. 50 ശതമാനം ആളുകള്‍ക്ക് മാത്രമാണ് പ്രവേശനാനുമതി.
