തിരുവനന്തപുരം: സിപിഎമ്മിന്റെ യുവജന സംഘടനയായ ഡിവൈഎഫ്ഐയില്‍ അധികാരമാറ്റം. കേന്ദ്ര-സംസ്‌ഥാന നേതൃത്വത്തിലാണ് അധികാര കൈമാറ്റം നടക്കുന്നത്. നിലവില്‍ അഖിലേന്ത്യ പ്രസിഡണ്ടായ മന്ത്രി മുഹമ്മദ് റിയാസ് സ്‌ഥാനമൊഴിയും.
സംസ്‌ഥാന ഫ്രാക്ഷന്‍ യോഗത്തിലാണ് തീരുമാനം. അടുത്തയാഴ്‌ച ചേരുന്ന ഡിവൈഎഫ്ഐ കേന്ദ്ര കമ്മിറ്റി പുതിയ പ്രസിഡണ്ടിനെ തീരുമാനിക്കുമെന്നാണ് വിവരം. സംസ്‌ഥാന സെക്രട്ടറി എഎ റഹീം, ജെയ്‌ക് സി തോമസ് എന്നിവര്‍ ദേശീയ സെന്ററിലേക്ക് മാറും.
റിയാസ് സ്‌ഥാനമൊഴിയുന്ന പശ്‌ചാത്തലത്തില്‍ എഎ റഹീം പുതിയ ദേശീയ പ്രസിഡണ്ടാകാനാണ് സാധ്യത. 2017ലാണ് റിയാസ് ഈ സ്‌ഥാനത്തേക്ക്‌ എത്തുന്നത്. ഡിവൈഎഫ്ഐ ദേശീയ പ്രസിഡണ്ട് സ്‌ഥാനത്തിരിക്കെയാണ് റിയാസ് നിയമസഭാ തിരഞ്ഞെടുപ്പില്‍ മൽസരിച്ച് വിജയിച്ചതും പൊതുമരാമത്ത് വകുപ്പ് മന്ത്രിയായി അധികാരമേറ്റതും.
National News: ഡെൽഹിയിൽ ആയുധങ്ങളുമായി പാക് ഭീകരന്‍ അറസ്‌റ്റില്‍
