ഡെൽഹി: ലോകത്തെ അതിസമ്പന്നരുടെ പട്ടിക പുറത്ത് വിട്ട് ബ്ളൂംബർഗ്. റിലയൻസ് ഇൻഡസ്‌ട്രീസ് ചെയർമാൻ മുകേഷ് അംബാനിയാണ് ഏഷ്യയിലെ ഏറ്റവും ധനികൻ. ലോക സമ്പന്നരുടെ പട്ടികയിൽ എട്ടാമതാണ് മുകേഷ് അംബാനിയുടെ സ്‌ഥാനം.
99.7 ബില്യൺ ഡോളറാണ് അംബാനിയുടെ ആസ്‌തി. തൊട്ടുപിന്നിൽ ഗൗതം അദാനിയാണ്. ഒൻപതാം സ്‌ഥാനത്തുള്ള ഗൗതം അദാനിയുടെ ആസ്‌തി 98.7 ബില്യൺ ഡോളറാണ്.
അതേസമയം ഇലോൺ മസ്‌ക് തന്നെയാണ് പതിവ് പോലെ അതി സമ്പന്നരുടെ പട്ടികയിൽ ഒന്നാം സ്‌ഥാനത്ത്. 227.5 ബില്യൺ ഡോളറാണ് ഇലോൺ മസ്‌കിന്റെ ആസ്‌തി. ജെഫ് ബെസോസ്, ബർണാഡ് അർണോൾട്, ബിൽ ഗേറ്റ്‌സ്, വാരൺ ബഫറ്റ്, ലാരി പേജ്, സർജി ബ്രിൻ എന്നിവരാണ് രണ്ട് മുതൽ ഏഴ് വരെയുള്ള സ്‌ഥാനക്കാർ.
വിപ്രോ മുൻ ചെയർമാൻ അസിം പ്രേംജി, എച്ച്‌സിഎൽ സ്‌ഥാപകൻ ശിവ് നാടാർ, ലക്ഷ്‌മി മിത്തൽ, രാധാകൃഷ്‌ണൻ ദമിനി, ഉദയ് കൊടക്, ദിലീപ് ഷാംഗ്‌വി എന്നിവരാണ് മുകേഷ് അംബാനിക്കും ഗൗതം അദാനിക്കും പിന്നാലെ പട്ടികയിൽ ഇടം നേടിയ ഇന്ത്യൻ ധനികർ.
Most Read: ഹോട്ടലുകളിൽ സർവീസ് ചാർജ് ഈടാക്കുന്നത് നിയമ വിരുദ്ധം; കേന്ദ്രമന്ത്രി
