വാസ്‌കോ: ഐഎസ്എല്ലിൽ ഏറ്റവും മികച്ച രീതിയിൽ ആക്രമണ ഫുട്ബോൾ കാഴ്‌ചവെക്കുന്ന ടീമുകളായ മുംബൈ സിറ്റിയും എഫ്‌സി ഗോവയും നേർക്കുനേർ. ഇന്ന് ജയിച്ചാൽ മുംബൈക്ക് പ്ളേ ഓഫ് ഉറപ്പിക്കാം.
അതേസമയം ഗോവക്ക് ഇന്ന് നിർണായകമാണ്. ജയിച്ചാൽ അവർ പോയിന്റ് പട്ടികയിൽ മൂന്നാമതെത്തും. മുൻ ഗോവൻ കോച്ചായിരുന്ന സെർജിയോ ലോബേറക്ക് കീഴിൽ ഇറങ്ങുന്ന മുംബൈ സിറ്റി കടലാസിലും കളിക്കളത്തിലും കരുത്തരാണ്.
നോര്‍ത്ത് ഈസ്‌റ്റിന് മുന്നില്‍ രണ്ടുവട്ടം വീണതൊഴിച്ചാല്‍ സീസണില്‍ മറ്റു ടീമുകളേക്കാൾ ഏറെ മുന്നിലാണ് മുംബൈ സിറ്റി. പത്ത് ജയം നേടിയ ഏക ടീമും അവരാണ്. ഏറ്റവും കുറവ് ഗോളുകൾ അവരാണ് വഴങ്ങിയത്. എന്നാല്‍ കഴിഞ്ഞ എട്ട് മൽസരങ്ങള്‍ തോറ്റിട്ടില്ലാത്ത ഗോവയും മോശമല്ല. 15 കളികളിൽ 5 ജയമാണ് അവർ നേടിയത്. വൈകീട്ട് ഏഴരക്കാണ് മൽസരം ആരംഭിക്കുക.
Read Also: ഐഎഫ്എഫ്‌കെ; കോവിഡ് നിയന്ത്രണം, റിസർവ് ചെയ്‌തവർക്ക് മാത്രം സിനിമ കാണാൻ അവസരം
