കോഴിക്കോട്: പോപുലര് ഫ്രണ്ട് ഓഫീസുകളിൽ റെയ്ഡ് എന്ഐഎ നടത്തിയതിലും ദേശീയ സംസ്ഥാന നേതാക്കളെ അറസ്റ്റ് ചെയ്തതിലും പ്രതിഷേധിച്ച് നാളെ രാവിലെ ആറു മുതല് വൈകീട്ട് ആറുവരെ ഹര്ത്താല് പ്രഖ്യാപിച്ചു. പോപുലര് ഫ്രണ്ട് സംസ്ഥാന കമ്മിറ്റിയുടേതാണ് തീരുമാനം.
ഭരണകൂട ഭീകരതയുടെ ഭാഗമാണ് റെയ്ഡെന്നും കേന്ദ്ര ഏജന്സികളെ ഉപയോഗിച്ച് എതിര് ശബ്ദങ്ങൾ ഇല്ലാതാക്കാനുള്ള ശ്രമമാണ് ആര്എസ്എസ് നിയന്ത്രിത ഫാഷിസ്റ്റ് സര്ക്കാർ നടത്തുന്നതെന്നും പോപ്പുലർ ഫ്രണ്ട് ആരോപിക്കുന്നു. ഹര്ത്താലിനെ വിജയിപ്പിക്കാന് എല്ലാ ജനാധിപത്യ വിശ്വാസികളും രംഗത്തുവരണമെന്നും സംസ്ഥാന കമ്മിറ്റി പ്രസ്താവനയില് ആവശ്യപ്പെട്ടു.
Most Read: ബിജെപി പ്രചരിപ്പിക്കുന്ന ‘ഡെൽഹി മദ്യ കുംഭകോണം’ എന്താണെന്ന് മനസിലായിട്ടില്ല: കെജ്രിവാൾ