തിരുവനന്തപുരം: കനത്ത മഴ തുടരുന്നതിനിടെ കേന്ദ്ര സേനയുടെ എന്ഡിആര്എഫ് സംഘം കേരളത്തിലെത്തി. ദേശീയ ദുരന്ത പ്രതികരണ സേനയുടെ 3 യൂണിറ്റുകളാണ് സംസ്ഥാനത്ത് എത്തിയത്. വയനാട്, മലപ്പുറം, തൃശൂര് ജില്ലകളിലായാണ് സേന വിന്യസിച്ചിരിക്കുന്നത്. മഴ ശക്തമായാല് കൂടുതല് സംഘങ്ങളെ വിന്യസിപ്പിക്കും.
കേരളത്തില് 8 ജില്ലകളിലാണ് ഇന്ന് റെഡ് അലേര്ട്ട് പ്രഖ്യാപിച്ചിരിക്കുന്നത്. കാസര്ഗോഡ്, കണ്ണൂര്, വയനാട്, കോഴിക്കോട്, മലപ്പുറം, തൃശൂര്, പാലക്കാട്, ഇടുക്കി ജില്ലകളിലാണ് റെഡ് അലേര്ട്ട്. തിരുവനന്തപുരം ഒഴികെയുള്ള മറ്റു ജില്ലകളില് ഓറഞ്ച് അലേര്ട്ടും തിരുവനന്തപുരത്ത് യെല്ലോ അലേര്ട്ടും പ്രഖ്യാപിച്ചിട്ടുണ്ട്.
Related news: അതിതീവ്ര മഴക്ക് സാധ്യത; നാല് ജില്ലകളില് റെഡ് അലര്ട്ട്
നാളെ 13 ജില്ലകളില് മഴ മുന്നറിയിപ്പ് ഉണ്ട്. തിരുവനന്തപുരത്ത് മാത്രമാണ് മുന്നറിയിപ്പ് ഇല്ലാത്തത്. ബംഗാള് ഉള്ക്കടലില് ന്യൂനമര്ദ്ദം രൂപപെട്ടതിനെ തുടര്ന്ന് കേരളത്തില് ഈ മാസം 23 വരെ ശക്തമായ മഴ തുടരുമെന്നാണ് സൂചനകള്.