ഡെല്ഹി: ഇന്ത്യന് പ്രദേശങ്ങള് ഉള്പ്പെടുത്തി പുതിയ മാപ്പ് തയ്യാറാക്കി പാര്ലമെന്റിന്റെ അംഗീകാരം നേടിയ നേപ്പാള്, അത് പാഠ്യപദ്ധതിയിലും നാണയ കൈമാറ്റ മാര്ഗ നിര്ദ്ദേശങ്ങളിലും ഉള്പ്പെടുത്തി. മൂന്നു മാസം മുന്പാണ് ഉത്തരാഖണ്ഡിലെ പിത്തോറഗര്, കാലാപനി പ്രദേശങ്ങള് നേപ്പാളിന്റെ മാപ്പില് ഉള്പ്പെടുത്തിയത്.
‘നേപ്പാളിലെ ഭൂമിശാസ്ത്രവും പ്രദേശ അതിര്ത്തിയും’ എന്ന പാഠ്യ ഭാഗത്ത് ഹയര് സെക്കന്ഡറി സ്കൂള് വിദ്യാര്ത്ഥികളുടെ പാഠ പുസ്തകത്തിലാണ് ഇന്ത്യന് പ്രദേശങ്ങള് ഉള്പ്പെടുത്തിയിട്ടുള്ള പുതിയ മാപ്പ് നല്കിയിരിക്കുന്നത്. ഉത്തരാഖണ്ഡിലെ കലാപാനിയുടെ തര്ക്ക പ്രദേശം നേപ്പാളിന്റെ പ്രദേശമായി പുസ്തകത്തില് ഉള്പ്പെടുന്നു.
കൂടാതെ, നേപ്പാളിലെ ഒരു രൂപയുടെയും രണ്ട് രൂപയുടെയും പുതിയ നാണയങ്ങളിലെ രാഷ്ട്ര ഭൂപടത്തില് പുതിയ മാപ്പ് അച്ചടിക്കാനും അനുമതി ആയിട്ടുണ്ട്. പ്രധാനമന്ത്രി കെ.പി ശര്മ ഒലിയുടെ നേതൃത്വത്തിലുള്ള നേപ്പാള് മന്ത്രിസഭയും രാജ്യത്തിന്റെ സെന്ട്രല് ബാങ്കായ നേപ്പാള് രാഷ്ട്ര ബാങ്കുമാണ് ഈ തീരുമാനം എടുത്തിരിക്കുന്നത്.
Read Also: ഇന്ത്യന് സൈന്യത്തെ പട്രോളിങ്ങില് നിന്ന് തടയാന് ആര്ക്കും സാധിക്കില്ല; രാജ്നാഥ് സിംഗ്