സൂര്യ നായകനായെത്തുന്ന ചിത്രം ‘എതിര്‍ക്കും തുനിന്തവനി’ലെ പുതിയ ഗാനം ശ്രദ്ധ നേടുന്നു. കഴിഞ്ഞ ദിവസം പുറത്തുവിട്ട ‘സുമ്മാ സുറന്ന്’ എന്ന ഗാനത്തിന്റെ ലിറിക്കല്‍ വീഡിയോ ആണ് കൈയ്യടി നേടുന്നത്. ചുരുങ്ങിയ സമയം കൊണ്ടുതന്നെ 12 ലക്ഷത്തിലധികം ആളുകളാണ് യൂട്യൂബിൽ ഗാനം ആസ്വദിച്ചത്.
നടൻ ശിവകർത്തികേയനാണ് ഗാനത്തിന് വരികൾ എഴുതിയിരിക്കുന്നത് എന്നതും ശ്രദ്ധേയമാണ്. ഡി ഇമ്മന്റെ സംഗീത സംവിധാനത്തില്‍ അര്‍മാന്‍ മാലിക്കും നിഖിത ഗാന്ധിയുമാണ് ഗാനം ആലപിച്ചിരിക്കുന്നത്.
അടുത്ത മാസം 4ന് റിലീസ് ചെയ്യുന്ന ചിത്രത്തിനായുള്ള കാത്തിരിപ്പിലാണ് സിനിമാസ്വാദകർ. തമിഴിനു പുറമേ മലയാളം, തെലുങ്ക്, കന്നഡ, ഹിന്ദി ഭാഷകളിലും ചിത്രം റിലീസ് ചെയ്യും. പാണ്ഡിരാജ് ആണ് ചിത്രത്തിന്റെ സംവിധായകൻ. ശിവകാര്‍ത്തികേയൻ നായകനായി എത്തിയ ‘നമ്മ വീട്ടു പിള്ളയ്’ എന്ന സൂപ്പര്‍ ഹിറ്റ് സിനിമയ്‌ക്ക് ശേഷം പാണ്ഡിരാജ് ഒരുക്കുന്ന ചിത്രമാണിത്.
പ്രിയങ്ക മോഹനാണ് ചിത്രത്തിലെ നായിക. സത്യരാജ്, സരണ്യ പൊന്നവണ്ണന്‍, സൂരി, ഇലവരസു എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
Most Read: ഓസ്‌ട്രേലിയൻ ഓപ്പൺ ഇന്ന് തുടങ്ങും; ജോക്കോവിച്ച് പുറത്ത് തന്നെ
