കൊട്ടാരക്കര: വാളകം ബഥനി സ്കൂള് ജങ്ഷനിലെ കുരിശടിക്കുമുന്നില് നവജാത ശിശുവിനെ ഉപേക്ഷിച്ചനിലയില് കണ്ടെത്തി. നാലുദിവസം പ്രായമുള്ള ആണ്കുഞ്ഞിനെയാണ് ഉപേക്ഷിച്ചത്.
ശനിയാഴ്ച രാത്രി ഏഴരയോടെയാണ് കുരിശടിയില് കുഞ്ഞിനെ കണ്ടെത്തിയത്. കരച്ചില് കേട്ടെത്തിയ കാല്നടയാത്രക്കാരാണ് തുണിയില് പൊതിഞ്ഞനിലയില് കുഞ്ഞിനെ കണ്ടത്. വിവരമറിഞ്ഞ് സ്ഥലത്തെത്തിയ ജനപ്രതിനിധികള് വിവരം പോലീസിനെ അറിയിക്കുകയായിരുന്നു.
വാളകത്തെ സ്വകാര്യ ആശുപത്രിയിൽ പ്രവേശിപ്പിച്ച കുഞ്ഞിനെ പിന്നീട് കൊട്ടാരക്കര താലൂക്കാശുപത്രിയിലെ ശിശുവിഭാഗം ഐസിയുവില് പ്രവേശിപ്പിച്ചു. 2.7 കിലോഗ്രാം തൂക്കമുള്ള കുഞ്ഞ് ആരോഗ്യവാനാണെന്ന് ആശുപത്രി അധികൃതര് അറിയിച്ചു.
അതേസമയം രണ്ടുവര്ഷംമുമ്പും ഇതേ കുരിശടിക്കുമുന്നില് നവജാതശിശുവിനെ ഉപേക്ഷിച്ചനിലയില് കണ്ടെത്തിയതായി നാട്ടുകാർ പറയുന്നു.
Most Read: എച്ച്ആർഡിഎസിലെ ജോലി; വിവാദത്തിന് പിന്നിൽ ശിവശങ്കറെന്ന് സ്വപ്ന