സ്വര്ണക്കടത്ത് കേസുമായി ബന്ധപ്പെട്ട് കൂടുതല് തെളിവുകള് ഉടന് ഹാജരാക്കണമെന്ന് എന്.ഐ.എ.ക്ക് വിചാരണ കോടതിയുടെ നിര്ദേശം. എഫ്.ഐ.ആറില് പറയുന്ന കുറ്റങ്ങള്ക്ക് അനുബന്ധ തെളിവുകള് അടിയന്തരമായി ഹാജരാക്കണമെന്നാണ് കേസ് പരിഗണിക്കുന്ന കൊച്ചി എന്.ഐ.എ കോടതിയുടെ നിര്ദേശം. അല്ലാത്തപക്ഷം പ്രതികള്ക്ക് ജാമ്യം നല്കേണ്ടി വരുമെന്നും കോടതി മുന്നറിയിപ്പ് നല്കി.
സ്വര്ണക്കടത്ത് കേസില് അറസ്റ്റിലായ ചില പ്രതികള് സമര്പ്പിച്ച ജാമ്യാപേക്ഷ പരിഗണിക്കവെ ആയിരുന്നു പരാമര്ശം. ഇതിനൊപ്പം സ്വര്ണക്കടത്തുമായി ബന്ധപ്പെട്ട് നടക്കുന്ന അന്വേഷണത്തിന്റെ കേസ് ഡയറി ഹാജരാക്കണമെന്നും കോടതി നിര്ദേശിച്ചിട്ടുണ്ട്. കൂടാതെ സ്വര്ണക്കടത്തില് ലാഭമുണ്ടാക്കിയവരെ കുറിച്ചും അവരുടെ ബന്ധങ്ങളെക്കുറിച്ചും ഒരു പ്രത്യേക പട്ടിക നല്കണമെന്നും കോടതി വ്യക്തമാക്കുന്നു.
