ലണ്ടൻ: ഇന്ത്യക്ക് കൈമാറാനുള്ള ഉത്തരവുകൾക്ക് എതിരെ യുകെ ഹൈക്കോടതിയിൽ അപ്പീൽ സമർപ്പിച്ച് പഞ്ചാബ് നാഷണൽ ബാങ്ക് തട്ടിപ്പ് കേസിലെ മുഖ്യപ്രതി നീരവ് മോദി. ലണ്ടനിലെ വെസ്റ്റ് മിൻസ്റ്റർ കോടതിയുടെയും യുകെ ആഭ്യന്തര സെക്രട്ടറികളുടെയും ഉത്തരവുകളെ അപ്പീലിൽ നീരവ് മോദി ചോദ്യം ചെയ്തു.
ഇന്ത്യയിൽ നീതിയുക്തമായ വിചാരണ ഉണ്ടാകില്ലെന്നും ദുർബലമായ തെളിവുകളാണ് തനിക്കെതിരെ അന്വേഷണ സംഘം നിരത്തിയതെന്നും നീരവ് മോദി ആരോപിച്ചു. രാഷ്ട്രീയക്കാർ തന്നെ ലക്ഷ്യം വെക്കുകയാണ്. ഇന്ത്യൻ ജയിലുകളിലെ സ്ഥിതി ദയനീയമാണെന്നും നീരവ് അപ്പീലിൽ ചൂണ്ടിക്കാട്ടി. നിലവിൽ ലണ്ടനിലെ വാൻഡ്സ്വർത്ത് ജയിലിലാണ് നീരവ് മോദിയെ പാർപ്പിച്ചിരിക്കുന്നത്.
Read also: ‘ഹലോ ഡോക്ടർ’; കോവിഡ് രോഗികൾക്കായി മെഡിക്കൽ ഹെൽപ്ലൈനുമായി രാഹുൽ ഗാന്ധി