ന്യൂഡെൽഹി: കോവിഡ് ബാധിതർക്കായി മെഡിക്കൽ ഹെൽപ്ലൈൻ ആരംഭിച്ച് കോൺഗ്രസ് നേതാവും എംപിയുമായ രാഹുൽ ഗാന്ധി. കോവിഡ് വൈറസിന്റെ രണ്ടാം തരംഗത്തിൽ ആശുപത്രി സൗകര്യങ്ങളും ഓക്സിജനും മരുന്നുകളും ലഭ്യമാവാതെ രാജ്യം ദുരിതം അനുഭവിക്കുന്ന സാഹചര്യത്തിലാണ് അദ്ദേഹം ഇത്തരമൊരു ഹെൽപ്ലൈൻ ആരംഭിച്ചത്. കോവിഡ് രോഗികൾക്ക് ആവശ്യമായ നിർദേശങ്ങളും മുന്നറിയിപ്പുകളും നൽകുകയാണ് ലക്ഷ്യം.
“ഇന്ത്യ ഒരുമിച്ച് നിൽക്കുകയും നമ്മുടെ ജനങ്ങളെ സഹായിക്കുകയും വേണം. ഞങ്ങൾ ‘ഹലോ ഡോക്ടർ’ എന്ന മെഡിക്കൽ ഹെൽപ്പ്ലൈൻ ആരംഭിച്ചിട്ടുണ്ട്. വൈദ്യോപദേശത്തിനായി +919983836838 എന്ന നമ്പറിൽ വിളിക്കുക,”- രാഹുൽ ഗാന്ധി ട്വീറ്റ് ചെയ്തു.
India needs to stand together and help our people.
We have launched ‘Hello Doctor’ a medical advisory helpline. Please call +919983836838 for medical advice.
Dear Dr’s & mental health professionals, we need your help. Please enroll on https://t.co/KbNzoy1PUa
— Rahul Gandhi (@RahulGandhi) May 1, 2021
കോവിഡിന് എതിരായ പോരാട്ടത്തിൽ പങ്കെടുക്കാനും വൈദ്യോപദേശം ആവശ്യമുള്ളവരെ സഹായിക്കാനും ഡോക്ടർമാരോടും മെഡിക്കൽ പ്രൊഫഷണലുകളോടും അദ്ദേഹം അഭ്യർഥിച്ചു. “ഇന്ത്യയിലുടനീളമുള്ള കോവിഡ് രോഗികൾക്ക് ആവശ്യമായ നിർദേശങ്ങളും ഉപദേശങ്ങളും നൽകാൻ ഡോക്ടർമാരുടെ പിന്തുണ അഭ്യർഥിക്കുന്നു. അഭൂതപൂർവമായ ഈ ആരോഗ്യ പ്രതിസന്ധിയിൽ, രാജ്യത്തിന് നമ്മൾ ഓരോരുത്തരുടെയും അനുകമ്പയും പിന്തുണയും പ്രതീക്ഷയും ആവശ്യമാണ്. നിങ്ങൾ ഡോക്ടറാണെങ്കിൽ, ദയവായി സ്വയം ‘ഹലോ ഡോക്ടർ’ ഹെൽപ്ലൈനിൽ രജിസ്റ്റർ ചെയ്യുക”- രാഹുൽ ആവശ്യപ്പെട്ടു.
Also Read: കോവിഡ് വ്യാപനത്തിനിടെ നടന്ന കുംഭമേളയിൽ പങ്കെടുത്തത് 70 ലക്ഷം പേരെന്ന് റിപ്പോർട്