മലയാളത്തിലെ യുവതാരങ്ങളില് ശ്രദ്ധേയനായ നിവിന് പോളിയുടെ പുതിയ ചിത്രം പ്രഖ്യാപിച്ചു. കനകം, കാമിനി, കലഹം എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് രതീഷ് ബാലകൃഷ്ണൻ പൊതുവാള് ആണ്. ആന്ഡ്രോയിഡ് കുഞ്ഞപ്പന് ശേഷം ശേഷം രതീഷ് സംവിധാനം ചെയ്യുന്ന പുതിയ ചിത്രം നിര്മ്മിക്കുന്നത് നിവിന് പോളി തന്നെയാണ്.
ആക്ഷന് ഹീറോ ബിജു, ഞണ്ടുകളുടെ നാട്ടില് ഒരിടവേള എന്നീ ചിത്രങ്ങള് നിര്മ്മിച്ചത് നിവിന് പോളി തന്നെ ആയിരുന്നു. സാമൂഹിക പ്രസക്തിയുള്ള കോമഡി ചിത്രമായിരിക്കും ഇതെന്നാണ് സംവിധയകന് നല്കുന്ന സൂചന. മറ്റ് അണിയറ പ്രവര്ത്തകരുടെ കാര്യത്തില് അന്തിമ തീരുമാനം ആയിട്ടില്ല. കൂടുതല് വിവരങ്ങള് വൈകാതെ പുറത്തുവിടും.
വളരെകുറച്ച് താരങ്ങള് മാത്രം അഭിനയിക്കുന്ന ചിത്രമായിരിക്കും ഇതെന്ന് സംവിധായകന് വ്യക്തമാക്കി. എറണാകുളവും ഇടുക്കിയുമാണ് ചിത്രീകരണം നടത്താന് ഉദ്ദേശിക്കുന്ന സ്ഥലങ്ങള്. കോവിഡ് മാനദണ്ഡങ്ങള് പാലിച്ചു കൊണ്ടായിരിക്കും ചിത്രീകരണം നടത്തുക.
Read Also: സംസ്ഥാന ചലച്ചിത്ര പുരസ്കാര പ്രഖ്യാപനം 13ന്; അവസാന റൗണ്ടില് 119 ചിത്രങ്ങള്