തിരുവനന്തപുരം: ഈ വര്‍ഷത്തെ സംസ്‌ഥാന ചലച്ചിത്ര പുരസ്‍കാര നിര്‍ണയം അവസാന ഘട്ടത്തില്‍. 13നാണ് അവാര്‍ഡ് പ്രഖ്യാപനം നടക്കുക. ഇതിനായി അവസാന റൗണ്ടിലെത്തിയ ചിത്രങ്ങള്‍ കാണുകയാണ് ജൂറി അംഗങ്ങള്‍. 119 ചിത്രങ്ങളാണ് അവസാന റൗണ്ടില്‍ മത്സരിക്കുന്നത്. ഇതില്‍ സൂപ്പര്‍ താരങ്ങളുടെ ബിഗ്ബജറ്റ് സിനിമകള്‍ മുതല്‍ ചെറിയ ചിത്രങ്ങള്‍ വരെ ഉള്‍പ്പെടും.
പുരസ്‍കാരത്തിനായി കടുത്ത പോരാട്ടം തന്നെയാണ് ഇത്തവണ അരങ്ങേറുന്നത്. കഴിഞ്ഞ മാര്‍ച്ച് 18ന് ജൂറി അംഗങ്ങളെ സര്‍ക്കാര്‍ തെരഞ്ഞെടുത്തെങ്കിലും കോവിഡ് മൂലം ജൂറിക്കു സ്‌ക്രീനിംഗ് നടത്താനായില്ല. കൂടാതെ ആദ്യം തിരഞ്ഞെടുത്ത ജൂറി അംഗങ്ങളായ സംഗീത സംവിധായകന്‍ പി.ജെ.ബേര്‍ണി, നടി അര്‍ച്ചന, എഴുത്തുകാരന്‍ ടി. ഡി. രാമകൃഷ്‌ണന്‍ എന്നിവര്‍ പിന്മാറുകയും ചെയ്‌തു. പിന്നണി ഗായിക ലതിക, നടി ജോമോള്‍, എഴുത്തുകാരന്‍ ബെന്യാമിന്‍ എന്നിവരെ പകരം ഉള്‍പ്പെടുത്തിയാണ് പുതിയ ജൂറിയെ തീരുമാനിച്ചത്.
ജൂറി ചെയര്‍മാന്‍ മധു അമ്പാട്ട്, എല്‍. ഭൂമിനാഥന്‍ എന്നിവര്‍ ചെന്നൈയില്‍ നിന്ന് എത്തി ക്വാറന്റീന്‍ പൂര്‍ത്തിയാക്കിയ ശേഷമാണ് സ്‌ക്രീനിംഗ് ആരംഭിച്ചത്.
മരക്കാര്‍ അറബിക്കടലിന്റെ സിംഹം (പ്രിയദര്‍ശന്‍) ലൂസിഫര്‍ (പൃഥ്വിരാജ്), ഇട്ടിമാണി എന്നിങ്ങനെ മോഹന്‍ലാലിന്റെ മൂന്ന് ചിത്രങ്ങള്‍ ഇത്തവണ മല്‍സരിക്കാനുണ്ട്. കൂടാതെ മാമാങ്കം, ഉണ്ട, പതിനെട്ടാംപടി എന്നീ മമ്മൂട്ടി ചിത്രങ്ങളും മാറ്റുരക്കുന്നുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
