തിരുവനന്തപുരം: സത്യപ്രതിജ്‌ഞ ചടങ്ങിനിടെ ബാഡ്‌ജ്‌ ധരിച്ചെത്തിയ വിവാദത്തിൽ വടകര എംഎൽഎ കെകെ രമക്കെതിരെ നടപടി ഉണ്ടാകില്ല. ചട്ടലംഘനം ഉണ്ടെങ്കിലും പുതിയ അംഗം എന്ന നിലയിൽ നടപടി വേണ്ടെന്നാണ് തീരുമാനമെന്ന് സ്‌പീക്കർ എംബി രാജേഷ് വ്യക്‌തമാക്കി.
ആർഎംപി സ്‌ഥാപകനും ഭർത്താവുമായ ടിപി ചന്ദ്രശേഖരന്റെ ചിത്രമുള്ള ബാഡ്‌ജ്‌ ധരിച്ചായിരുന്നു ആർഎംപി നേതാവായ കെകെ രമ സത്യപ്രതിജ്‌ഞക്ക് എത്തിയത്. സഭയിൽ ടിപിയുടെ ശബ്‌ദം മുഴങ്ങുമെന്ന് രമ നേരത്തെ പറഞ്ഞിരുന്നു. കൊലപാതക രാഷ്‌ട്രീയത്തിന് എതിരെയുള്ള സന്ദേശം നൽകാനാണ് ബാഡ്‌ജ്‌ ധരിച്ചു വന്നതെന്നും കെകെ രമ വ്യക്‌തമാക്കിയിരുന്നു. എന്നാൽ കെകെ രമക്കെതിരെ നടപടി വേണ്ടെന്നാണ് നിലവിലെ തീരുമാനം
Read also: ഫ്‌ളോറിഡയിൽ വെടിവെയ്‌പ്പ്; 2 പേർ കൊല്ലപ്പെട്ടു; ഇരുപതിലധികം പേർക്ക് പരിക്ക്
