ന്യൂഡെല്ഹി: ജയില് പുള്ളികള്ക്ക് പരോള് അനുവദിക്കുന്നതില് പുതിയ മാര്ഗനിര്ദ്ദേശവുമായി കേന്ദ്ര ആഭ്യന്തര മന്ത്രാലയം. എല്ലാ തടവ് പുളളികള്ക്കും പരോള് അനുവദിക്കേണ്ടതില്ലെന്നാണ് പുതിയ മാര്ഗനിര്ദ്ദേശത്തില് പറയുന്നത്. കോവിഡിന്റെ പേരില് വ്യാപകമായി പരോള് അനുവദിക്കുന്ന സാഹചര്യത്തിലാണ് കേന്ദ്രത്തിന്റെ ഇടപെടല്.
മനശാസ്ത്രജ്ഞരടങ്ങുന്ന വിദഗ്ധ സമിതിയുടെ വിലയിരുത്തലിന്റെ അടിസ്ഥാനത്തില് മാത്രം പരോള് അനുവദിച്ചാല് മതി എന്നാണ് പുതിയ നിര്ദ്ദേശം.
തീവ്രവാദം, കൊലപാതകം, കുട്ടികളോടുള്ള അതിക്രമം, കലാപം തുടങ്ങിയ കേസുകളില് ഉള്പ്പെട്ടവര്ക്ക് പരോള് അനുവദിക്കുന്നത് സമൂഹത്തില് പ്രത്യാഘാതമുണ്ടാക്കുമെന്നും ആഭ്യന്തര മന്ത്രാലയം പുതിയ മാര്ഗനിര്ദ്ദേശത്തില് വ്യക്തമാക്കി.