യുവ സൂപ്പർതാരം പൃഥ്വിരാജ് നായകനായെത്തുന്ന ‘കുരുതി‘ ഡയറക്‌ട് ഒടിടി റിലീസ് ആയി പ്രേക്ഷകരിലേക്ക് എത്തും. പ്രമുഖ ഒടിടി പ്ളാറ്റ്‌ഫോമായ ആമസോണ്‍ പ്രൈമിലൂടെ ഓണം റിലീസ് ആയാണ് ചിത്രം എത്തുക. ഓഗസ്‌റ്റ് 11 ആണ് റിലീസ് തീയതി. പൃഥ്വിയുടെ തുടർച്ചയായ രണ്ടാമത്തെ ഡയറക്‌ട് ഒടിടി റിലീസാണിത്. കഴിഞ്ഞ മാസമാണ് പൃഥ്വിരാജ്, അദിതി ബാലൻ എന്നിവർ മുഖ്യ വേഷത്തിൽ എത്തിയ ‘കോൾഡ് കേസ്‘ ആമസോൺ പ്രൈമിലൂടെ റിലീസ് ചെയ്‌തത്‌.
നേരത്തെ ഒരു ബോളിവുഡ് ചിത്രം ഒരുക്കിയിട്ടുള്ള മനു വാര്യര്‍ മലയാളത്തില്‍ ആദ്യമായി സംവിധാനം ചെയ്യുന്ന ചിത്രമാണ് ‘കുരുതി’. സോഷ്യോ പൊളിറ്റിക്കല്‍ ത്രില്ലര്‍ വിഭാഗത്തില്‍ പെടുന്ന ചിത്രമാണിത്. പൃഥ്വിരാജ് പ്രൊഡക്ഷന്‍സിന്റെ ബാനറില്‍ പൃഥ്വിരാജ്, സുപ്രിയ മേനോൻ എന്നിവർ ചേർന്നാണ് നിര്‍മാണം.
View this post on Instagram
അനീഷ് പല്യാല്‍ രചന നിര്‍വഹിച്ചിരിക്കുന്ന ചിത്രത്തിന്റെ ഛായാഗ്രഹണം അഭിനന്ദന്‍ രാമാനുജമാണ്. സംഗീതം ജാക്‌സ് ബിജോയാണ്. പൃഥ്വിരാജിനൊപ്പം റോഷന്‍ മാത്യു, മണികണ്‌ഠൻ ആര്‍ ആചാരി, മുരളി ഗോപി, നവാസ് വള്ളിക്കുന്ന്, ഷൈന്‍ ടോം ചാക്കോ, നസ്‍ലെന്‍, ശ്രിന്ദ, സാഗര്‍ സൂര്യ, മാമുക്കോയ എന്നിവരും പ്രധാന കഥാപാത്രങ്ങളായി എത്തുന്നു.
Read Also: കാഴ്‌ചക്കാരിൽ നിന്ന് നേരിട്ട് പണമുണ്ടാക്കാം; ക്രിയേറ്റേഴ്‌സിന് ‘സൂപ്പർ താങ്ക്‌സുമായി’ യൂട്യൂബ്
