കാസര്ഗോഡ്: സംസ്ഥാനത്ത് ഒരു കോവിഡ് മരണം കൂടി റിപ്പോര്ട്ട് ചെയ്തു. കാസര്ഗോഡ് ഉപ്പള സ്വദേശി മൊയ്തീനാണ് മരിച്ചത്. 65 വയസായിരുന്നു. രാവിലെ ഏഴ് മണിയോടെ കണ്ണൂര് പരിയാരം ഗവ. മെഡിക്കല് കോളജില് വെച്ചാണ് അന്ത്യം.
പ്രമേഹവും വൃക്ക സംബന്ധമായ അസുഖവും ഉണ്ടായിരുന്ന ഇദ്ദേഹത്തിന് കാസര്ഗോട്ടെ സ്വകാര്യ ആശുപത്രിയില് വച്ചാണ് കോവിഡ് പോസിറ്റീവായത്. തുടര്ന്ന് മൂന്നാം തിയതിയാണ് മൊയ്തീനെ പരിയാരം മെഡിക്കല് കോളജിലേക്ക് മാറ്റിയത്. കടുത്ത ന്യുമോണിയയും ഇദ്ദേഹത്തിന് ഉണ്ടായിരുന്നു. കാസര്ഗോട്ട് കോവിഡ് മരണസംഖ്യ ഉയരുന്നത് ഏറെ ആശങ്കക്കിടയാക്കുകയാണ്.