ശ്രീനഗർ: ജമ്മു കശ്‍മീരിൽ ഉണ്ടായ ഭീകരാക്രമണത്തിൽ ഒരു സൈനികന് വീരമൃത്യു. ഭീകരരുമായുള്ള ഏറ്റുമുട്ടലിനെ തുടര്‍ന്ന് സുന്‍ജ്വാനിലാണ് ഒരു സൈനികന് വീരമൃത്യു വരിച്ചത്. കൂടാതെ ആക്രമണത്തിൽ മൂന്ന് സൈനികർക്ക് പരിക്കേൽക്കുകയും ചെയ്‌തിട്ടുണ്ട്‌.
സൈനികന്റെ വീരമൃത്യു ജമ്മു സോണിലെ എഡിജിപി മുകേഷ് സിംഗ് സ്‌ഥിരീകരിച്ചിട്ടുണ്ട്. സുന്‍ജ്വാനിലെ ഒരു വീട്ടില്‍ ഭീകരര്‍ ഒളിച്ചിരിക്കുന്നതായി സുരക്ഷാസേനക്ക് വിവരം ലഭിച്ചിരുന്നു. ഇതിനെ തുടർന്ന് നടത്തിയ പരിശോധനക്കിടയിലാണ് ഭീകരർ ആക്രമണം നടത്തിയത്.
അതേസമയം നിലവിൽ ഈ വീട് വളയാൻ സൈനികർക്ക് സാധിച്ചിട്ടുണ്ടെന്നാണ് ലഭിക്കുന്ന വിവരം. പ്രദേശത്ത് ഇപ്പോഴും സൈനികരും ഭീകരരും തമ്മിൽ ഏറ്റുമുട്ടൽ തുടരുകയാണ്.
Read also: സർവേയുമായി മുന്നോട്ട്; പ്രതിഷേധങ്ങൾ വകവെക്കാതെ കെ റെയിൽ
