തിരുവനന്തപുരം: സ്വർണക്കടത്ത് കേസിൽ സമരം ശക്‌തമാക്കാൻ ഒരുങ്ങി യുഡിഎഫ്. തുടർ സമരപരിപാടികൾ ചർച്ച ചെയ്യാൻ യുഎഡിഎഫ് ഏകോപന സമിതി ഇന്ന് തിരുവനന്തപുരത്ത് ചേരും. വൈകിട്ട് മൂന്ന് മണിക്ക് പ്രതിപക്ഷ നേതാവിന്റെ ഔദ്യോഗിക വസതിയിലാണ് യോഗം.
പ്രതിപക്ഷ പ്രതിഷേധങ്ങൾ അടിമച്ചർത്തി നാട്ടിൽ കലാപം ഉണ്ടാക്കാനും അതുവഴി ആരോപണങ്ങൾക്ക് മറയിടാനുമാണ് മുഖ്യമന്ത്രിയുടെ ശ്രമം. ഇതിനെതിരെ പ്രതിഷേധം ശക്‌തമാക്കാനുള്ള തീരുമാനം യോഗത്തിൽ ഉണ്ടാകും. ലോക കേരള സഭയിൽ പങ്കെടുക്കണോ എന്ന കാര്യത്തിലും യുഡിഎഫ് യോഗത്തിന് ശേഷം അന്തിമ തീരുമാനം എടുക്കും.
സ്വപ്‌ന സുരേഷ്, മുഖ്യമന്ത്രിക്കെതിരെയും കുടുംബത്തിന് എതിരെയും ഉന്നയിക്കുന്ന ആരോപണങ്ങൾ അതീവ ഗൗരവം ഉള്ളതാണെന്നും സത്യവാങ്‌മൂലത്തിലെ വിവരങ്ങൾ കൂടി പുറത്ത് വന്നതോടെ മുഖ്യമന്ത്രി നേരിട്ട് വിശദീകരണം നൽകണമെന്നുള്ള നിലപാടിലാണ് യുഡിഎഫ് നേതാക്കൾ.
Most Read: വിമാനത്തിലെ പ്രതിഷേധം; മൂന്നാം പ്രതിക്കായി ഇന്ന് ലുക്ക്‌ഔട്ട് നോട്ടീസ് പുറപ്പെടുവിക്കും
