മലപ്പുറം: തദ്ദേശ ഭരണ തെരഞ്ഞെടുപ്പിൽ യുഡിഎഫ് സ്ഥാനാർഥികൾക്കെതിരെ മൽസരിക്കുന്ന വിമതരെ പാർട്ടിയിൽ നിന്ന് പുറത്താക്കുമെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി കെപിഎ മജീദ്. പാർട്ടി അംഗങ്ങളോ അനുഭാവികളോ യുഡിഎഫ് നിശ്ചയിച്ച സ്ഥാനാർഥികൾക്കെതിരെ റിബലായി മൽസരിക്കാൻ പാടില്ല. അങ്ങനെ മൽസരിക്കുന്നവരെ കീഴ്ഘടകങ്ങളുടെ റിപ്പോർട്ട് അനുസരിച്ച് പാർട്ടിയിൽ നിന്ന് പുറത്താക്കുമെന്ന് മജീദ് വ്യക്തമാക്കി. പിന്നീട് പാർട്ടിയിലേക്ക് തിരിച്ചുവരാമെന്ന് ആരും കരുതേണ്ടതില്ലെന്നും കെപിഎ മജീദ് മുന്നറിയിപ്പ് നൽകി.
Also Read: ‘ജാതിയും സമുദായവും പറഞ്ഞ് വോട്ട് ചോദിക്കരുത്’; ജില്ലാ കളക്ടർ