ന്യൂഡെല്ഹി: ഓക്സിജന് സിലിണ്ടറുകള് പൂഴ്ത്തിവെച്ച് കരിഞ്ചന്തയില് വില്പ്പന നടത്തിയ രണ്ടു പേര് അറസ്റ്റില്. വികാസ്പുരി സ്വദേശി ശ്രേയ് ഒബ്രെ(30), ഷാലിമാര്ബാഗ് സ്വദേശി അഭിഷേക് നന്ദ(32) എന്നിവരാണ് പിടിയിലായത്. ഇവരുടെ പക്കല് നിന്നും ഓക്സിജന് സിലിണ്ടറുകൾ പോലീസ് പിടിച്ചെടുത്തു.
ഡെല്ഹിയിലെ പഞ്ചാബി ബാഗില് നിന്നുമാണ് പ്രതികൾ അറസ്റ്റിലായത്. ഒബ്രെയുടെ നേതൃത്വത്തില് ഓക്സിജന് സിലിണ്ടറുകള് കരിഞ്ചന്തയില് വില്ക്കുന്നുണ്ടെന്ന് പോലീസിന് രഹസ്യവിവരം ലഭിച്ചിരുന്നു. തുടര്ന്ന് നടത്തിയ അന്വേഷണത്തിലാണ് പ്രതികള് പിടിയിലായത്.
സമൂഹ മാദ്ധ്യമങ്ങള് വഴിയാണ് ഇയാള് ഓക്സിജന് സിലിണ്ടറുകള് വില്പ്പന നടത്തിയിരുന്നതെന്ന് പോലീസ് പറഞ്ഞു. പ്രതികളുടെ കാറും പോലീസ് പിടിച്ചെടുത്തു.
Read Also: മൂവാറ്റുപുഴയിൽ വ്യാജ കോവിഡ് സർട്ടിഫിക്കറ്റ് നിർമിച്ച് നൽകുന്നയാൾ പിടിയിൽ