പാലക്കാട്: ജില്ലയിൽ ആദ്യ ഒമൈക്രോൺ വകഭേദം സ്‌ഥിരീകരിച്ചു. ജോലിയുടെ ഭാഗമായി പാലക്കാട് എത്തിയ കോഴിക്കോട് സ്വദേശിയായ പോലീസ് ഉദ്യോഗസ്‌ഥനാണ് ഒമൈക്രോൺ സ്‌ഥിരീകരിച്ചത്‌. ശബരിമല ഡ്യൂട്ടി കഴിഞ്ഞെത്തിയ ഇദ്ദേഹം കോവിഡ് പോസിറ്റീവ് ആയി ക്വാർട്ടേഴ്‌സിൽ കഴിയുകയായിരുന്നു.
തുടർന്ന് നടത്തിയ പരിശോധനയിലാണ് ഒമൈക്രോൺ സ്‌ഥിരീകരിച്ചത്‌. അതേസമയം, ജില്ലയിൽ ആശങ്കപെടേണ്ട സാഹചര്യം ഇല്ലെന്നും നിലവിൽ ഒരു കേസ് മാത്രമേ റിപ്പോർട് ചെയ്‌തിട്ടുള്ളുവെന്നും ജില്ലാ മെഡിക്കൽ ഓഫിസർ കെ രമാദേവി അറിയിച്ചു.
അതേസമയം, സംസ്‌ഥാനത്ത്‌ ഇന്നലെ എട്ട് പേർക്കാണ് ഒമൈക്രോൺ സ്‌ഥിരീകരിച്ചത്‌. പത്തനംതിട്ടയിൽ നാല് പേർക്കും ആലപ്പുഴയിൽ രണ്ട് പേർക്കും തിരുവനന്തപുരം പാലക്കാട് ജില്ലകളിൽ ഓരോരുത്തർക്കുമാണ് രോഗം സ്‌ഥിരീകരിച്ചത്‌.
Most Read: വയോധികന്റെ കൊല; കൂടുതൽ വിവരങ്ങൾ പുറത്തു വിടാനാകില്ലെന്ന് പോലീസ്
