ന്യൂഡെല്‍ഹി: ജനിതകമാറ്റം വന്ന വൈറസ് വഴി ബ്രിട്ടണില്‍ കോവിഡ് വ്യാപനം ശക്‌തമായിരിക്കെ, ലണ്ടനില്‍ നിന്ന് ഇന്നലെ രാത്രി എത്തിയ വിമാനത്തിലെ 5 പേര്‍ക്ക് കോവിഡ് സ്‌ഥിരീകരിച്ചു. കോവിഡ് സ്‌ഥിരീകരിച്ചവരുടെ സാംപിള്‍ നാഷനല്‍ സെന്റര്‍ ഡിസീസ് കണ്‍ട്രോള്‍ വിശദ പരിശോധനക്ക് വിധേയമാക്കും.
യാത്രക്കാരും കാബിന്‍ ക്രൂവും അടക്കം വിമാനത്തിലെ 266 പേരെ വിമാനത്താവളത്തില്‍ തന്നെ പരിശോധനക്ക് വിധേയമാക്കിയിരുന്നു. ജനിതക മാറ്റം സംഭവിച്ച വൈറസ് അതിവേഗം പടര്‍ന്നു പിടിക്കുന്നതിനാല്‍ ഇന്ന് അര്‍ധരാത്രി മുതല്‍ ബ്രട്ടനിലേക്കും തിരിച്ചുമുള്ള എല്ലാ വിമാന സര്‍വീസുകളും ഇന്ത്യ നിര്‍ത്തിലാക്കിയിരുന്നു.
ബ്രിട്ടനില്‍നിന്ന് നേരിട്ടോ അല്ലാതയോ ഇന്ത്യയിലെത്തുന്നവര്‍ക്ക് ഇന്നലെ മുതല്‍ കര്‍ശന പരിശോധനയും ഏര്‍പ്പെടുത്തിയിരുന്നു. പഴയ വൈറസിനേക്കാള്‍ 70% അധികമാണ് പുതിയ വൈറസിന്റെ സാംക്രമിക ശേഷി.
Kerala News: മുഖ്യമന്ത്രിയുടെ ജില്ലാതല സമ്പര്‍ക്ക പരിപാടി ബഹിഷ്‌കരിച്ച് എന്‍എസ്എസ്
