തിരുവനന്തപുരം : സംസ്ഥാനത്ത് ഉടന് നടക്കാനിരിക്കുന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് നീട്ടി വെക്കണമെന്ന ആവശ്യവുമായി പിസി ജോര്ജ് എംഎല്എ ഹൈക്കോടതിയില്. കോവിഡ് വ്യാപനം സംസ്ഥാനത്ത് രൂക്ഷമായി തുടരുന്ന സാഹചര്യത്തില് തദ്ദേശ സ്ഥാപനങ്ങളിലേക്കുള്ള തിരഞ്ഞെടുപ്പ് നടത്തുന്നത് പ്രായോഗികമല്ല എന്നാണ് പിസി ജോര്ജ് ഹരജിയില് വ്യക്തമാക്കുന്നത്.
നിലവിലെ സാഹചര്യത്തില് സംസ്ഥാനത്ത് തിരഞ്ഞെടുപ്പ് നടത്തുന്നത് വലിയ ദുരന്തമായിരിക്കും സൃഷ്ടിക്കുകയെന്നും അതിനാല് തന്നെ തദ്ദേശ തിരഞ്ഞെടുപ്പിനുള്ള വിജ്ഞാപനം പുറപ്പെടുവിക്കുന്നത് സ്റ്റേ ചെയ്യണമെന്നും പിസി ജോര്ജ് ഹരജിയില് ആവശ്യപ്പെടുന്നുണ്ട്. ഒപ്പം തന്നെ കോവിഡ് പശ്ചാത്തലത്തില് നടത്തുന്ന തിരഞ്ഞെടുപ്പ് ജനങ്ങളുടെ ജീവിക്കാനുള്ള അവകാശത്തിന് മേലുള്ള വെല്ലുവിളിയാണെന്നും അദ്ദേഹം പറയുന്നു. കൂടാതെ സംസ്ഥാനത്ത് തുടര്ച്ചയായി നടത്തുന്ന രണ്ട് തിരഞ്ഞെടുപ്പുകള് സാമ്പത്തിക സ്ഥിതിയെയും കാര്യമായി ബാധിക്കുമെന്ന് പിസി ജോര്ജ് ഹരജിയില് വ്യക്തമാക്കുന്നുണ്ട്.
Read also : നിയമം കയ്യിലെടുത്ത കേസ്; ഭാഗ്യലക്ഷ്മിയുടെ ജാമ്യാപേക്ഷ വിധി പറയാന് മാറ്റി