തിരുവനന്തപുരം : സംസ്‌ഥാനത്ത് ഇത്തവണത്തെ തിരഞ്ഞെടുപ്പിൽ കണ്ടത് പിണറായിസം ആണെന്ന് വ്യക്‌തമാക്കി പിസി ജോർജ്. 40 വർഷങ്ങൾക്ക് ശേഷം പൂഞ്ഞാർ നിയോജക മണ്ഡലത്തിൽ തോൽവി ഉറപ്പിച്ചതിന് പിന്നാലെ നടത്തിയ പ്രസ്‌താവനയിലാണ് അദ്ദേഹം ഇക്കാര്യം വ്യക്‌തമാക്കിയത്‌. എൽഡിഎഫിന്റെ, സിപിഎമ്മിന്റെ എന്നൊന്നും പറഞ്ഞിട്ട് കാര്യമില്ലെന്നും, യഥാർഥത്തിൽ പിണറായിയുടെ സ്വന്തം നേട്ടമാണ് ഇതെന്നും പിസി ജോർജ് പറഞ്ഞു.
ഒപ്പം തന്നെ മൂന്ന് മുന്നണിക്കുമെതിരെ മൽസരിച്ച തനിക്ക് രണ്ടാം സ്‌ഥാനം തന്ന പൂഞ്ഞാർ ജനതയോട് നന്ദിയുണ്ടെന്നും പിസി വ്യക്‌തമാക്കി. മൂന്ന് മുന്നണിക്കെതിരെ മാത്രമല്ല, തെറ്റിദ്ധരിക്കപ്പെട്ട ഒരു ജനതയും എനിക്കെതിരായി നിന്നു. എന്നിട്ടും ഈ രണ്ടാം സ്‌ഥാനത്ത് എന്നെ എത്തിച്ച പൂഞ്ഞാറിലെ ജനങ്ങളോട് ഏത് ഭാഷയിൽ നന്ദി പറഞ്ഞാലും മതിയാകില്ലെന്നും അദ്ദേഹം പറഞ്ഞു. എൽഡിഎഫ് സ്‌ഥാനാർഥി അഡ്വക്കേറ്റ് സെബാസ്‌റ്റ്യൻ കുളത്തുങ്കലാണ് 12,953 വോട്ടുകളുടെ ഭൂരിപക്ഷത്തിൽ ഇപ്പോൾ പൂഞ്ഞാറിൽ മുന്നേറുന്നത്.
Read also : മുനീറിന്റെ സിറ്റിംഗ് സീറ്റ് തിരിച്ചു പിടിച്ച് എൽഡിഎഫ്; കോഴിക്കോട് സൗത്തില്‍ അഹമ്മദ് ദേവർകോവിൽ ജയിച്ചു
