ന്യൂഡെൽഹി: കർഷകരുടെ സമാധാനപരമായ സത്യാഗ്രഹം രാഷ്ട്ര താൽപര്യമുള്ളതാണെന്ന് നേതാവ് രാഹുൽ ഗാന്ധി. കാർഷിക നിയമങ്ങളിൽ പ്രതിഷേധിച്ച് രാജ്യമെമ്പാടും കർഷകർ റോഡ് ഉപരോധ സമരം ആഹ്വാനം ചെയ്തതിന് പിന്നാലെയാണ് രാഹുൽ ഗാന്ധിയുടെ പ്രതികരണം.
അന്നദാതാക്കളുടെ സമാധാനപരമായ സത്യാഗ്രഹം രാഷ്ട്ര താൽപര്യമുള്ളതാണ്. ഈ മൂന്ന് നിയമങ്ങളും കർഷകർക്ക് മാത്രമല്ല, രാജ്യത്തെ മുഴുവൻ ജനങ്ങൾക്കും ഹാനികരമാണ്. മുഴുവൻ പിന്തുണയും, രാഹുൽ ട്വീറ്റ് ചെയ്തു.
अन्नदाता का शांतिपूर्ण सत्याग्रह देशहित में है- ये तीन क़ानून सिर्फ़ किसान-मज़दूर के लिए ही नहीं, जनता व देश के लिए भी घातक हैं।
पूर्ण समर्थन!#FarmersProtests
— Rahul Gandhi (@RahulGandhi) February 6, 2021
ഫെബ്രുവരി 6ന് രാജ്യമെമ്പാടും കർഷകർ ആഹ്വാനം ചെയ്ത റോഡ് തടയൽ സമരം പുരോഗമിക്കുകയാണ്. വൈകുന്നേരം മൂന്ന് വരെയാണ് സമരം. ദേശീയ പാതകളും സംസ്ഥാന പാതകളും കർഷകർ ഉപരോധിക്കും. റോഡ് തടയൽ സമരത്തിന് മുന്നോടിയായി നിരവധി നേതാക്കളെ പോലീസ് കസ്റ്റഡിയിൽ എടുത്തിട്ടുണ്ട്. വൻ പോലീസ് സന്നാഹത്തെയാണ് ഡെൽഹിയിൽ വിന്യസിച്ചിരിക്കുന്നത്. കൂടാതെ ചെങ്കോട്ട ഉൾപ്പടെയുള്ള പ്രധാന സ്ഥലങ്ങളിൽ സുരക്ഷ ശക്തമാക്കുകയും ചെയ്തിട്ടുണ്ട്.
Read also: പഞ്ചാബ് മാത്രമല്ല, രാജ്യം മുഴുവൻ കർഷകർക്കൊപ്പം പ്രതിഷേധിക്കുന്നു; ഹർസിമ്രത്ത് ബാദൽ