കെഎഫ്‍ബി യൂത്ത് ഫോറം പന്ത്രണ്ടാമത് സംസ്‌ഥാന വാർഷിക പൊതുസമ്മേളനം കളമശ്ശേരി SCMS കോളേജിൽ മന്ത്രി വിഇ അബ്‌ദുൽ ഗഫൂർ ഉൽഘാടനം ചെയ്‌ത്‌ സംസാരിക്കുന്നു / Image Courtesy: KFB / Cropped by Team MN
കൊച്ചി: ഭിന്നശേഷി വിഭാഗങ്ങളുടെ പെൻഷൻ വർധനവ് സർക്കാറിന്റെ പരിഗണനയിലുണ്ടെന്നും ഇവരുടെ ആവശ്യങ്ങൾ പലതും ന്യായമാണെന്നും സർക്കാർ അത്തരം കാര്യങ്ങളിൽ അനുഭാവ പൂർണ്ണമായ സമീപനമാണ് സ്വീകരിക്കുന്നതെന്നും മന്ത്രി വിഇ അബ്‌ദുൽ ഗഫൂർ പറഞ്ഞു.
കേരളാ ഫെഡറേഷൻ ഓഫ് ദി ബ്ളൈൻഡ് (കെഎഫ്‍ബി) യൂത്ത് ഫോറം പന്ത്രണ്ടാമത് സംസ്‌ഥാന വാർഷിക പൊതുസമ്മേളനം കളമശ്ശേരി SCMS കോളേജിൽ ഉൽഘാടനം ചെയ്‌ത്‌ സംസാരിക്കുമ്പോഴാണ് മന്ത്രിയുടെ പ്രതികരണം ഉണ്ടായത്. കളമശ്ശേരി മുനിസിപ്പൽ ചെയർമാൻ ജമാൽ മണക്കാടൻ അധ്യക്ഷത വഹിച്ച ചടങ്ങിൽ കെഎഫ്‍ബി സംസ്‌ഥാന സെക്രട്ടറി വിനോദ് ബി. സംഘടനാ റിപ്പോർട് അവതരിപ്പിച്ചു.
ദേശീയ സംഘടനായ ഓൾ ഇന്ത്യ കോൺഫെഡറേഷൻ ഓഫ് ദി ബ്ളൈൻഡുമായി അഫിലിയേറ്റ് ചെയ്‌തിരിക്കുന്ന, കേരളാ ഫെഡറേഷൻ ഓഫ് ദി ബ്ളൈൻഡ്, കാഴ്‌ച വെല്ലുവിളി നേരിടുന്നവരുടെ പുരോഗതിക്കായി 1967ൽ രൂപം നൽകിയ സംസ്‌ഥാന സംഘടനയാണ്. തിരുവനന്തപുരം ആസ്‌ഥാനമായ സംഘടനയുടെ മുഖ്യ ലക്ഷ്യം, കാഴ്‌ച പരിമിതിയുള്ളവരുടെ അവകാശങ്ങൾ സംരക്ഷിക്കുക, അവർക്ക് ആവശ്യമായ പിന്തുണയും പരിശീലനവും നൽകി സമൂഹത്തിൽ അന്തസോടെയും സ്വതന്ത്രമായും ജീവിക്കാൻ പ്രാപ്‌തരാക്കുക എന്നതാണ്.
വാർഷിക പൊതുസമ്മേളനത്തിൽ ഭാരവാഹികളായ കെജെ വർഗീസ്, അലി പുല്ലാര, ജി മണികണ്‌ഠൻ, വിജയകുമാരി, കെ വൈഷ്‌ണവ്, സലിം കെബി, അൻസാർ എ, രാജേഷ് പിആർ തുടങ്ങിയവരും പങ്കെടുത്തു സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
