സംസ്‌ഥാന ജനറല്‍ സെക്രട്ടറി സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി 'കൗൺസിലിൽ' വിഷയാവതരണം നിർവഹിക്കുന്നു
മലപ്പുറം: പതിറ്റാണ്ടുകളായി ജില്ലയിൽ നില നിൽക്കുന്ന സൗഹൃദാന്തരീക്ഷം തകർക്കാനുള്ള ഫാസിസ്‌റ്റ് ശക്‌തികളുടെ ഗൂഢശ്രമങ്ങളെ ചെറുത്തു തോൽപിക്കാൻ ജനകിയ മുന്നേറ്റം സാധ്യമാക്കും എന്ന ആഹ്വാനത്തോടെ കേരള മുസ്‌ലിം ജമാഅത്ത് ജില്ലാ കൗൺസിലിന് സമാപനം.
എംഎൻ കുഞ്ഞിമുഹമ്മദ് ഹാജി പതാക ഉയർത്തിയാണ് മഅ്ദിൻ കാമ്പസിൽ നടന്ന കൗൺസിലിന് തുടക്കം കുറിച്ചത്. ജില്ലാ പ്രസിഡണ്ട് കൂറ്റമ്പാറ അബ്‌ദുറഹ്‌മാൻ ദാരിമിയുടെ അധ്യക്ഷതയിൽ സമസ്‌ത സെക്രട്ടറി പൊൻമള അബ്‌ദുൽ ഖാദിർ മുസ്‌ലിയാർ ജില്ലാ കൗൺസിൽ ഉൽഘാടനം നിർവഹിച്ചു. തിരഞ്ഞെടുപ്പ് പ്രവർത്തനങ്ങൾക്ക് നേതൃത്വം നൽകിയതും വിഷയാവതരണം നിർവഹിച്ചതും കേരള മുസ്‌ലിം ജമാഅത്ത് സംസ്‌ഥാന ജനറൽ സെക്രട്ടറി സയ്യിദ് ഇബ്രാഹിം ഖലീൽ ബുഖാരിയായിരുന്നു.
“പൂർവ്വ സൂരികളായ മഹത്തുക്കളുടെ മാതൃകാപരമായ ജീവിത വഴിയിൽ നിന്നും പാഠമുൾക്കൊള്ളാൻ പുതിയ നേതൃത്വം തയാറാവണം. വൈവിധ്യ പൂർണ്ണമായ സമീപനങ്ങളിലൂടെയും വൈജ്‌ഞാനിക പുരോഗതിയിലൂടെയും സമുദായത്തെ രാജ്യത്തിന്റെ മുഖ്യധാരയിൽ എത്തിക്കാനുള്ള ധിഷണപരമായ നേതൃത്വമാണ് സമൂഹം പ്രതിക്ഷിക്കുന്നത്. ആദർശ സംരക്ഷണത്തിലൂന്നിയ പ്രബോധന പ്രവർത്തനങ്ങളിലൂടെ മാത്രമെ വിജയം നേടാനാകൂ“ എന്നീ കാര്യങ്ങൾ ഇബ്രാഹിം ഖലീൽ ബുഖാരി വിഷയാവതരണ പ്രസംഗത്തിൽ പ്രവർത്തകരെ ഉണർത്തി.
സയ്യിദ് ഹബീബ് കോയ തങ്ങള്‍ ചെരക്കാപറമ്പ് പ്രാർഥന നടത്തി. സയ്യിദ് സൈനുല്‍ ആബിദീന്‍ ബാഫഖീഹ്, കേരള മുസ്‌ലിം ജമാഅത്ത് സംസ്‌ഥാന സെക്രട്ടറി വണ്ടൂര്‍ അബ്‌ദുറഹ്‌മാൻ ഫൈസി, പൊൻമള മൊയ്‌തീൻ കുട്ടി ബാഖവി, സിപി സൈതലവി മാസ്‌റ്റര്‍ ചെങ്ങര, ഇവി അബ്‌ദുറഹ്‌മാൻ ഹാജി, പികെഎം സഖാഫി ഇരിങ്ങല്ലൂര്‍, ഊരകം അബ്‌ദുറഹ്‌മാൻ സഖാഫി, പിഎം മുസ്‌തഫ കോഡൂര്‍, അലവിക്കുട്ടി ഫൈസി എടക്കര എന്നിവര്‍ ചടങ്ങിൽ പ്രസംഗിച്ചു.
കേരള മുസ്‌ലിം ജമാഅത്തിന്റെ മലപ്പുറം ജില്ലയിലെ പുതിയ നേതൃനിര
കൂറ്റമ്പാറ അബ്‌ദുറഹിമാൻ ദാരിമി പ്രസിഡണ്ടും, പിഎം മുസ്‌തഫ കോഡൂര്‍ ജനറല്‍ സെക്രട്ടറിയായും എംഎന്‍ കുഞ്ഞഹമ്മദ് ഹാജി ഫിനാന്‍സ് സെക്രട്ടറിയായും ചുമതലയേറ്റു.
പ്രസിഡണ്ട് കൂറ്റമ്പാറ അബ്‌ദുറഹ്‌മാൻ ദാരിമി, ജനറല്‍ സെക്രട്ടറി പിഎം മുസ്‌തഫ കോഡൂര്‍
ഇവരെകൂടാതെ, വടശ്ശേരി ഹസൻ മുസ്‌ലിയാര്‍ ,സികെയു മൗലവി മോങ്ങം, പിഎസ്‌കെ ദാരിമി എടയൂര്‍ , കെകെഎസ് തങ്ങള്‍ പെരിന്തല്‍മണ്ണ, സയ്യിദ് സ്വലാഹുദ്ദീന്‍ ബുഖാരി കൂരിയാട്, യൂസുഫ് ബാഖവി മാറഞ്ചേരി എന്നിവർ വൈസ് പ്രസിഡണ്ടുമാരായും പി അബ്‌ദുറഹ്‌മാൻ സഖാഫി ഊരകം, പികെഎം സഖാഫി ഇരിങ്ങല്ലൂര്‍, പികെ ബഷീര്‍ ഹാജി, അലവിക്കുട്ടി ഫൈസി എടക്കര, മുഹമ്മദ് ഹാജി മൂന്നിയൂര്‍, കെപി ജമാല്‍ കരുളായി എന്നിവർ സെക്രട്ടറിമാരായും ചുമതലയേറ്റു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
