കൊച്ചി: പ്രധാനമന്ത്രി നരേന്ദ്ര മോദി നാളെ നിർവഹിക്കാനിരിക്കുന്ന ബിപിസിഎല്ലിന്റെ പുതിയ പെട്രോ കെമിക്കല്‍ പ്ളാന്റിന്റെ ഉൽഘാടന ചടങ്ങിൽ ഹൈബി ഈഡൻ എംപിക്ക് ഇരിപ്പിടം നിഷേധിച്ചതായ് പരാതി. ഇരിപ്പിടം ക്രമീകരിച്ചതിനെതിരെ ഹൈബി ഈഡൻ അവകാശ ലംഘനത്തിന് നോട്ടീസ് നൽകി.
ബിപിസിഎൽ പരിപാടിയിൽ രാഷ്‌ട്രീയ താൽപര്യം മുൻനിർത്തി കേന്ദ്രമന്ത്രി വി മുരളീധരന് ഇരിപ്പിടം നൽകിയെന്നും സ്‌ഥലം എംപിക്ക് ഇരിപ്പിടം നിഷേധിച്ചുവെന്നും ഹൈബി ഈഡൻ പറഞ്ഞു. പ്രധാനമന്ത്രി പങ്കെടുക്കുന്ന പരിപാടിയിയിൽ നിന്ന് ജനപ്രതിനിധികളെ ബോധപൂർവ്വം ഒഴിവാക്കാൻ ശ്രമിക്കുന്നുവെന്നും ഹൈബി ഈഡൻ ആരോപിച്ചു.
ഇക്കാരണത്താൽ കോൺഗ്രസും കോൺഗ്രസ് അനുബന്ധ തൊഴിലാളി സംഘടകളും ചടങ്ങ് ബഹിഷ്‌കരിക്കുമെന്നും ഹൈബി ഈഡൻ അറിയിച്ചു. വിവിധ പദ്ധതികളുടെ ഉൽഘാടനത്തിനായി പ്രധാനമന്ത്രി നരേന്ദ്രമോദി നാളെയാണ് കൊച്ചിയിൽ എത്തുക.
Read also: കേരളത്തിൽ സിഎഎ നടപ്പാക്കില്ലെന്ന് മുഖ്യമന്ത്രി; എൽഡിഎഫിന്റെ വികസന മുന്നേറ്റ യാത്രക്ക് തുടക്കം
