മലപ്പുറം: കോഴിക്കോട്, മലപ്പുറം, പാലക്കാട് ജില്ലകൾ കേന്ദ്രീകരിച്ച് പോക്കറ്റടി നടത്തുന്ന വൻ സംഘം പിടിയില്. മുഹമ്മദ് ഷെരീഫ്, ബാബുരാജ്, മുഹമ്മദ് റഫീക്ക്, ഷമീർ, ഇബ്രാഹിം എന്നിവരെയാണ് മലപ്പുറത്ത് വെച്ച് പോലീസ് പിടികൂടിയത്.
ബസുകളിൽ യാത്രക്കാർ കയറുകയും ഇറങ്ങുകയും ചെയ്യുന്ന സമയത്ത് തിക്കും തിരക്കും കൂട്ടി പോക്കറ്റടി നടത്തുകയാണ് ഇവരുടെ രീതി.
ജില്ലയിൽ പോക്കറ്റടി വര്ധിച്ചു വരുന്ന സാഹചര്യത്തില് മലപ്പുറം പോലീസ് പ്രത്യേക സ്ക്വാഡ് രൂപീകരിച്ചിരുന്നു. ജില്ലാ പോലീസ് മേധാവിയുടെ നിർദ്ദേശ പ്രകാരമായിരുന്നു ഇത്. തുടർന്ന് രണ്ടാഴ്ചയിലേറെ ആയി നടത്തിയ അന്വേഷണത്തിന് ഒടുവിലാണ് സംഘം പോലീസിന്റെ വലയിലായത്. അതേസമയം പ്രതികളിൽ നിന്നും പണവും പോക്കറ്റടിക്കപ്പെട്ടവരുടെ രേഖകളും പോലീസ് കണ്ടെത്തിയിട്ടുണ്ട്.
Malabar News: ഔദ്യോഗിക ഉൽഘാടനം ഇല്ല; ഗവ. ജനറൽ ആശുപത്രിയിൽ ഓക്സിജൻ ഉൽപാദനം തുടങ്ങി