തിരുവനന്തപുരം: യൂണിഫോമിൽ ഗുണ്ടയോടൊപ്പം മദ്യപിച്ച പോലീസുകാരനെ സസ്പെൻഡ് ചെയ്‌തു. പോത്തൻകോട് പോലീസ് സ്‌റ്റേഷനിലെ പോലീസ് ഓഫീസർ ജിഹാനെയാണ് ഗുണ്ടയോടൊപ്പം മദ്യപിച്ചതിന്റെ പേരിൽ സസ്പെൻഡ് ചെയ്‌തത്‌.
മണ്ണുമാഫിയ സംഘം വാടകക്കെടുത്ത മുറിയില്‍ വച്ചാണ് ഗുണ്ടയായ കുട്ടനുമൊത്തിരുന്ന് പോലീസ് യൂണിഫോമിൽ ജിഹാൻ മദ്യപിച്ചത്. തുടർന്ന് മദ്യപിക്കുന്നതിന്റെ ചിത്രം ഉന്നത പോലീസ് ഉദ്യോഗസ്‌ഥർക്ക്‌ ലഭിക്കുകയും ചെയ്‌തിരുന്നു. ഇതിന്റെ അടിസ്‌ഥാനത്തിൽ നടത്തിയ പരിശോധനയിലാണ് പോലീസ് ഉദ്യോഗസ്‌ഥനെ സസ്പെൻഡ് ചെയ്‌തത്‌. മെന്റല്‍ ദീപുവെന്ന പേരില്‍ അറിയപ്പെടുന്ന ഗുണ്ടയെ കൊലപ്പെടുത്തിയ കേസിലെ പ്രതി കൂടിയാണ് കുട്ടന്‍. ഇതേ സ്‌ഥലത്ത് വച്ച് കുട്ടനും ദീപുവും തമ്മിലുണ്ടായ തര്‍ക്കമായിരുന്നു കൊലപാതകത്തില്‍ കലാശിച്ചത്.
Read also: സൈനികരെന്ന വ്യാജേന സാമ്പത്തിക തട്ടിപ്പ്; ജനങ്ങൾക്ക് ജാഗ്രതാ നിർദ്ദേശം
