പൃഥ്വിരാജ്, സുരാജ് വെഞ്ഞാറമ്മൂട് എന്നിവർ കേന്ദ്ര കഥാപാത്രങ്ങളായി എത്തിയ സൂപ്പര്‍ ഹിറ്റ് ചിത്രം ‘ഡ്രൈവിംഗ് ലൈസന്‍സ്’ റീമേക്കിന് ഒരുങ്ങുന്നതായി റിപ്പോര്‍ട്ടുകള്‍. ബോളിവുഡിലേക്കാണ് ചിത്രം റീമേക്ക് ചെയ്യുന്നത്. കരൺ ജോഹര്‍ നിര്‍മിക്കുന്ന ചിത്രത്തില്‍ അക്ഷയ് കുമാറും ഇമ്രാന്‍ ഹാഷ്‌മിയുമാണ് കേന്ദ്ര കഥാപാത്രങ്ങളാവുക എന്നാണ് സൂചന.
2019ല്‍ റിലീസ് ചെയ്‌ത ‘ഡ്രൈവിംഗ് ലൈസന്‍സ്’ സംവിധാനം ചെയ്‌തത് ലാല്‍ ജൂനിയറാണ്. അന്തരിച്ച സംവിധായകനും തിരക്കഥാകൃത്തുമായ സച്ചിയാണ് ഈ ചിത്രത്തിന്റെ കഥ രചിച്ചത്. ലിസ്‍റ്റിന്‍ സ്‌റ്റീഫനും സുപ്രിയ മേനോനും നാല് കോടി ബജറ്റില്‍ നിര്‍മിച്ച ചിത്രം ബോക്‌സ് ഓഫിസില്‍ 22.5 കോടിയാണ് നേടിയത്.
അതേസമയം ബോളിവുഡിൽ രാജ് മേഹ്തയാണ് ചിത്രം സംവിധാനം ചെയ്യുന്നതെന്നാണ് സൂചന. അടുത്ത വര്‍ഷം തുടക്കത്തില്‍ തന്നെ ചിത്രീകരണം ആരംഭിക്കുമെന്നും റിപ്പോര്‍ട്ടുകളുണ്ട്. പൃഥ്വിരാജ് അവതരിപ്പിച്ച കഥാപാത്രത്തെ അക്ഷയ് കുമാറും സുരാജ് വെഞ്ഞാറമ്മൂടിന്റെ കഥാപാത്രത്തെ ഇമ്രാന്‍ ഹാഷ്‌മിയുമാകും അവതരിപ്പിക്കുക എന്നാണ് റിപ്പോർട്ടുകൾ വ്യക്‌തമാക്കുന്നത്‌.
Most Read: ആരോഗ്യ പരിപാലനത്തിന് മഞ്ഞൾ, മല്ലി, ചുക്ക്; അറിയാം ഗുണഫലങ്ങൾ
