കണ്ണൂർ: ശ്രീകണ്ഠാപുരത്ത് വളക്കൈയിൽ ഓടിക്കൊണ്ടിരുന്ന സ്വകാര്യ ബസിന് തീപിടിച്ചു. ശ്രീണ്ഠാപുരത്ത് നിന്ന് തളിപ്പറമ്പിലേക്ക് പോകുന്നതിനിടെയാണ് സംഭവം. യാത്രക്കാർ ഇറങ്ങിയോടിയതിനാൽ വൻ ദുരന്തം ഒഴിവായി.
ഓടിക്കൊണ്ടിരിക്കുന്നതിനിടെ ബസിന്റെ മുൻഭാഗത്തായാണ് തീപിടിച്ചത്. പിന്നാലെ, വാഹനം മുഴുവൻ തീ പടർന്നു തീപിടിച്ചതായി ശ്രദ്ധയിൽപ്പെട്ടതോടെ ബസിലെ യാത്രക്കാർ ഇറങ്ങിയോടുകയായിരുന്നു. ആർക്കും പരിക്കേറ്റിട്ടില്ല. തീപിടിത്തത്തിൽ ബസ് പൂർണമായി കത്തിനശിച്ചു.
Most Read| പുതു ഹൃദയത്തിൻ സ്പന്ദനവുമായി അമാന വീണ്ടും അക്ഷരങ്ങളുടെ ലോകത്തേക്ക്
