തിരുവനന്തപുരം: ലോക്‌സഭാ തിരഞ്ഞെടുപ്പ് കണക്കിലെടുത്ത് തിരുവനന്തപുരം, പത്തനംതിട്ട, തൃശൂർ, കാസർഗോഡ് ജില്ലകളിൽ നിരോധനാജ്‌ഞ പ്രഖ്യാപിച്ചു. കൊട്ടിക്കലാശം കഴിഞ്ഞു ഇന്ന് വൈകിട്ട് ആറുമണി മുതലാണ് തിരുവനന്തപുരം, തൃശൂർ, കാസർഗോഡ് എന്നീ ജില്ലകളിൽ നിരോധനാജ്‌ഞ തുടങ്ങുക. പത്തനംതിട്ടയിൽ നാളെ വൈകിട്ട് ആറുമണി മുതലാണ് നിരോധനാജ്‌ഞ.
ശനിയാഴ്‌ച വരെ പൊതുയോഗങ്ങൾ പാടില്ലെന്നാണ് കളക്‌ടർമാരുടെ നിർദ്ദേശം. നിശബ്‌ദ പ്രചാരണം നാളെ നടത്താമെങ്കിലും അഞ്ചിലധികം ആളുകൾ കൂടാൻ പാടില്ലെന്നും ഉത്തരവിൽ പറയുന്നു. തിരഞ്ഞെടുപ്പ് പ്രചാരണത്തിന്റെ ഭാഗമായി മണ്ഡലത്തിന് പുറത്ത് നിന്ന് എത്തിയവർ ഇന്ന് വൈകിട്ട് ആറിനുള്ളിൽ മണ്ഡലം വിട്ട് പോകണമെന്ന് കാസർഗോഡ് ജില്ലാ കളക്‌ടർ നിർദ്ദേശം നൽകി. ഇതര സംസ്‌ഥാനങ്ങളിൽ നിന്നടക്കം തിരഞ്ഞെടുപ്പ് ഡ്യൂട്ടിക്കായി 3280 പോലീസുകാരെ മണ്ഡലത്തിൽ നിയോഗിച്ചിട്ടുണ്ട്.
Most Read| 124 വയസ്! ലോകത്തിലെ ഏറ്റവും പ്രായം കൂടിയ മുത്തച്ഛൻ പെറുവിലുണ്ട്
