കൽപറ്റ: ഇന്ധനവില വർധനക്കെതിരെ സംയുക്‌ത ട്രേഡ് യൂണിയന്റെ നേതൃത്വത്തിൽ ഈ മാസം 21ന് വയനാട്ടിൽ 15 മിനിറ്റ് വാഹനങ്ങൾ നിർത്തിയിട്ട് പ്രതിഷേധിക്കും. ജില്ലയിലെ 23 പഞ്ചായത്തുകളിലും 3 നഗരസഭകളിലും ഓടുന്ന വാഹനങ്ങൾ രാവിലെ 11 മുതൽ 11.15 വരെ നിരത്തിൽ നിർത്തിയിട്ടാണ് പ്രതിഷേധിക്കുക. സംയുക്‌ത ട്രേഡ് യൂണിയൻ യോഗത്തിലാണ് തീരുമാനം.
യോഗത്തിൽ ഗിരീഷ് കൽപറ്റ അധ്യക്ഷത വഹിച്ചു. പിപി ആലി, ഉമ്മർ കുമ്മാട്ടിൽ (ഐഎൻടിയുസി), പി ആർ ജയപ്രകാശ്, കെ സുഗതൻ, വിഎ അബ്ബാസ് (സിഐടിയു), കെഎസ് ബാബു, രാജുകൃഷ്‌ണ (എച്ച്എംഎസ്), സി മൊയ്‌തീൻക്കുട്ടി, ആലി മുട്ടിൽ (എസ്‌ടിയു), ടി മണി (എഐടിയുസി) തുടങ്ങിയവർ യോഗത്തിൽ സംസാരിച്ചു.
അതേസമയം, ഇന്ധന വില വർധനവിൽ പ്രതിഷേധിച്ച് മോട്ടോർ തൊഴിലാളി യൂണിയൻ (എസ്‌ടിയു) സുൽത്താൻ ബത്തേരി യൂണിറ്റ് പെട്രോൾ പമ്പിന് മുന്നിൽ നിൽപ്പുസമരം നടത്തി. നിയോജകമണ്ഡലം മുസ്‌ലിം ലീഗ് പ്രസിഡണ്ട് പിപി അയ്യൂബ് സമരം ഉൽഘാടനം ചെയ്‌തു.
Read also: ഭാരതപ്പുഴയിൽ നിന്ന് അനധികൃത മണൽ ശേഖരണം; പോലീസ് പിടികൂടി
