മലപ്പുറം: ആദിവാസി- ദലിത് വിദ്യാര്‍ഥികളോടുള്ള വംശീയ വിവേചനം അവസാനിപ്പിക്കുക എന്നാവശ്യപ്പെട്ട് കളക്റ്ററേറ്റിന് മുന്നില്‍ കേരള ആദിവാസി ഐക്യവേദി നില്‍പ്പു സമരം സംഘടിപ്പിച്ചു. സംസ്‌ഥാനത്തുടനീളം നടക്കുന്ന ഐക്യദാര്‍ഢ്യ നില്‍പ്പു സമരങ്ങളുടെ ഭാഗമായാണ് മലപ്പുറത്തും സംഘടിപ്പിച്ചത്.
ഹയര്‍ സെക്കണ്ടറി മേഖലയിലും ഡിഗ്രി തലത്തിലും സീറ്റ് ഇല്ലാത്തതിന്റെ പേരില്‍ വ്യാപകമായ പുറന്തള്ളല്‍ ആണ് ആദിവാസി വിദ്യാര്‍ഥികള്‍ അനുഭവിക്കുന്നത്. പുതിയ ബാച്ചുകളും ഹോസ്‌റ്റല്‍ അടക്കമുള്ള അടിസ്‌ഥാന സൗകര്യങ്ങളും ഉറപ്പ് വരുത്തി, ഈ വിവേചനത്തിന് അറുതി വരുത്താന്‍ സര്‍ക്കാര്‍ തയ്യാറാവണമെന്ന് ഫ്രറ്റേണിറ്റി മൂവ്‌മെന്റ് സംസ്‌ഥാന സെക്രട്ടറി കെ.കെ.അശ്‌റഫ് പറഞ്ഞു. നില്‍പ്പ് സമരം കളക്റ്ററേറ്റിന് മുന്നില്‍ ഉല്‍ഘാടനം ചെയ്‌തു സംസാരിക്കുകയായിരുന്നു അദ്ദേഹം. ഫ്രറ്റേണിറ്റി മൂവ്‌മെന്റ് മലപ്പുറം ജില്ലാ കമ്മറ്റി നില്‍പ്പ് സമരത്തിന് അഭിവാദ്യം അര്‍പ്പിച്ച് പ്രകടനം നടത്തി.
Malabar News: മലബാര്‍ ടൂറിസം വളരുന്നു; സാന്‍ഡ് ബാങ്ക്‌സ് നാടിനു സമര്‍പ്പിച്ചു
