തിരുവനന്തപുരം: 493 പിഎസ്‌സി റാങ്ക് ലിസ്‌റ്റുകളുടെ കാലാവധി 6 മാസം കൂടി ദീർഘിപ്പിച്ചു. കേരള പബ്ളിക്ക് സർവീസ് കമ്മീഷൻ റൂൾസ് ഓഫ് പ്രൊസീജയറിലെ 13ആം ചട്ടം പ്രകാരമാണ് റാങ്ക് ലിസ്‌റ്റുകളുടെ കാലാവധി ദീർഘിപ്പിച്ചത്. 2021 ഫെബ്രുവരി 5ന് ചട്ടപ്രകാരം കാലാവധി പൂർത്തിയാക്കി അവസാനിക്കുന്ന റാങ്ക് ലിസ്‌റ്റുകളുടെ കാലാവധിയാണ് ദീർഘിപ്പിച്ചത്.
2021 ഫെബ്രുവരി 5 മുതൽ 2021 ഓഗസ്റ്റ് 3 വരെയുള്ള കാലയളവിൽ കാലാവധി തീരുന്ന എല്ലാ റാങ്ക് ലിസ്‌റ്റുകളും 2021 ഓഗസ്റ്റ് 4 വരെ സജീവമായി നിലനിർത്തുവാൻ തീരുമാനിച്ചു. ദീർഘിപ്പിക്കുന്ന എല്ലാ റാങ്ക് ലിസ്‌റ്റുകൾക്കും 2021 ഓഗസ്റ്റ് 4 വരെയോ ഈ തസ്‌തികകൾക്ക് പുതിയ റാങ്ക് ലിസ്‌റ്റ് വരുന്നത് വരെയോ ഏതാണോ ആദ്യം അന്നുവരെ കാലാവധി ലഭിക്കും. 493 റാങ്ക് ലിസ്‌റ്റുകളാണ് ദീർഘിപ്പിക്കുന്നവയിൽ ഉൾപ്പെടുന്നത്.
Read also: വനിതാ വികസന കോർപറേഷൻ; പരസ്യ ചിത്രങ്ങളുടെ ലോഞ്ചിങ് പൂർത്തിയായി
